الأربعاء، 28 مايو 2008

بنطلون قطيفة أسود


كل من يراني أرتديه كان يطلق تعليقات متشابهة من نوع واحد ’ ياااه فاكر البنطلون دا أول ما جبته كان جامد جداً .
هو بنطلون أسود من القطيفة كنت قد أشتريته منذ أقل من عام ’ وظهرت أثار تلك الفترة من عوامل التعرية وخلافة علي بعض المناطق الظاهرة فيه فبهت اللون الأسود في معظم المناطق وأختفي تماماً في أخري ليترك خلفة مساحات غير منتظمة من البقع البيضاء ’ في بداية الأمر كان ذلك الزحف الأبيض يمارس نشاطه علي استحياء غير ملفت وأنا كنت أتعامل معه بشيء من التجاهل بل دائما ما كنت أفرح عندما الاحظ أن مكاسب هذا الغزو تزيد .
زاد معدل أستخدامي له في الفترة الماضيه مما أعطاني الفرصة لكي أتابع بدقة الأنتصارات التي يحققها الأبيض ’ بدأت التعليقات علية تزيد من قِبل كل من أعرفهم ’ كنت أصاب بالدهشة عندما أسمعهم يقولون لي أن الوقت قد حان للأستغناء عنه ’ يعلنون ذلك ببساطه شديدة تجعلني أسأل نفسي هل هذا طبيعي ؟ ليتني أستطيع أن أتحدث معه ليعرف أنني غير قادر علي الأستغناء عنه ولا أستطيع أن أخذلة أريد أن أقول له لا تخف لن أضيع حقك علي ’ مع أني - للعلم - أعرف أن هذا كذب بين ... لأنه بنفس البساطه سوف يأتي وقت يبدأ الدور المخصص له في حياتي في الأنتهاء إلي أن يتلاشي ولا يصبح له وجود علي الاطلاق ’ وبما أن هذا القدر المحتوم ليس الأن فلماذا يريد الجميع أن يحرمه من الأيام القليلة الباقية له لكي يقوم بأخر مشهد له ... أعتقد أنه سيكون الرئيسي في حياته كلها سيكون الماستر سين .
عندما يستيقظ ليجد شخص أخر غيري يرتديه أو يجد نفسه مكوم في ركن أخر رف في دولاب ملابسي سيعرف لحظتها إلي أي مدي كانت حياته كذبه ’ ولكن إلي الأن لم تأتي ساعته ومازال قادراً علي الوفاء بمتطلبات صاحبه ’ لتلك الحقائق وغيرها من الأسباب العديدة لن أستسلم لمحاولات الأخرين دفعي لكي أستغني عنه ’ نعم لن أحيله للتقاعد .. خصوصا أنه كثيراً ما كان يمتلك القدرة علي أن يسبب لي المشاكل ولم يفعل ’ سأقابل ذلك بأنني سأسعي بكل جهدي لكي أعطيه فرصته كاملة لينفذ مشهدة الأخير بل لن أتوقف عند ذلك سأعمل علي تكريمة ما بقي لي من عمر فقد خصصت له مكانا بارزاً في واجهة دولابي يستطيع معه كل من ينظر داخل الدولاب أن يراه .
سيطر العدو الأبيض علي معظم صاحبي ومع ذلك لم يهبط حماسي في أستغلاله كصديق ’ الي أن جائت اللحظة الحاسمة كنت أجلس يومها علي القهوة مع بعض أنصار العدو وفي حركة خاطفة يشتبك مع مسمار بارز من الكرسي ليقضي عليه في معركة لم تستمر أكثر من ثواني ... فأنطلقت عائداً إلي منزلي لكي أضعه في مثواه الأخير .


ضربة شمس ( جريدة الدستور 21/5/2008 )

هناك 51 تعليقًا:

dodda يقول...

انا اول تعليق

dodda يقول...

انا من رايى
انك تعمله ريسايكل

او ل مره اقابلك حقولك ازاى...

كلامك ان دل على شىء
فهو اخلاصك وتعلقك بالمقربين اليك

وادراكك لاهميتهم

حمامة يقول...

:(
يا عينى
تعرف انا كمان بحب احتفظ بحاجتى جداً
وبيبقى فى علاقة حب كده بيني وبينها
حتى الحاجات غير الملابس زى الكوبايات او الاقلام او اى حاجة
بتحسها بتاعتك
بتحبك زى ما بتحبها
بتحس بيك
اوعى ترمى البنطلون
خليه ف الدولاب
وكل شوية طلعة اتفرج عليه وحسس عليه
وقوله معلش

:)

محض روح يقول...

في حجات بنجاهد علشان نحافظ عليها زي ماهيه
بس للأسف مفيش حاجه بتفضل لأبد
:)

Omnia يقول...

كلنا بنحب حاجتنا القديمة..لكن حتحبها اكتر وحتحس انه لسة معاك لو شوفت صور ليك ..بيه.وتقول يااه واللهى كان بنطلون جامد...كده حيفضل عايش وتديه حقه ..ومتزعلش عليه وخيطه واديه لحد يدعيلك ..كده فايدة من كل النواحى ..حلوة اوى
:)

شـمو نشـادر يقول...

على فكره انا كنت قريته فى الدستور ..
مقال جميل يا شادى ..
تسلم ايديك ..
تحياتى ..
أسامة أمين

كراكيب نـهـى مـحمود يقول...

امممم
تذكرني هنا بحقيقة الحياه التي اجاهد طوال الوقت لتجاهلها
كل شئ الى زوال
تظل اصعب لحظة اضطر لمواجهتها هي انتهاء صفحة الكتابة البيضاء هي تغييري لقلمي بعد نفاذ الحبر
هي شكوة صديقاتي من طرحتى الزرقاء التي احبها رغم وجود غيرها كثير لكني احبها لان بيننا الكثير من الصور والابتسامات والحنين
تعرف اظنك تعرف

emy يقول...

بص بقى ياشادى انت من الاخر كدة
مبدع بجد
انا لما قريت الكلام دة فى ضربة شمس
جالى احساس غريب كدة
خلتنى ادور على كل الذكريات اللى عندى
بجد الف شكر شادى

شادي أصلان يقول...

dooda
اول تعليق دا انا حظي حلو بقي
ومستني المقابلة علشان تقوليلي ازاي
زيارتك دائما جميلة

شادي أصلان يقول...

حمامة
احساسك جميل وانا عايز اقولك اني ممكن مقدرش اخرجة تاني

شادي أصلان يقول...

محض روح
صح مفيش حاجة باقية للابد بما فيها احنا

شادي أصلان يقول...

أمنية
ممكن يكون كلامك صح بس صدقيني غصب عني

شادي أصلان يقول...

أسامة امين
وجودك يا صديقي يشرفني دائما وشكرا لكلامك اللي بيسعدني

شادي أصلان يقول...

كراكيب نهي محمود
اولا يامراحب بالزيارة
من ناحية تانيه عايز اقولك ان ظنك في محلة
فانا اعرف انني خير من يعرف

شادي أصلان يقول...

emo
الشمر ليكي ايها الضربشمساوية الاصيلة

Omnia يقول...

ااكيد غصب عنك..كان زمانى انا كمان رميت صندوق عندى مليان ورق وتذاكر وهدايا وحاجات مكسورة ..
بس غصب عنى مش قادرة ..عارفه الإحساس ده:)

شادي أصلان يقول...

امنية
بجد مرتين فيث بوست واحد دي حاجة جميلة جدا
اتمني اني انول جزء من اسمك وتكوني ضيفة دائمة عندي

ســـــــهــــــــــر يقول...

ليس فقط هذا البنطال ما قصدت او لعلك لم تقصد و انا لعب الخيال لعبته لارى وراء الكلمات صور لكثير من الاشياء او الاشخاص ان جاز التعبير يعبرون حياتنا و يضيق بهم من حولنا لبعلنون انه يجب الاستغناء عنهم و لا شك ان لكل اجله لكن اعجبت كثيرا بفكرك فى نظرية الاحترام و الوفاء و التى يجوز تطبيقها فى الكثير ابعد من حدود الدولاب


تقديرى و احترامى لفكرك

دعاء مواجهات يقول...

هو دة بقى البنطلون

تصدق نى فعلا تخيلت شكلة وكنت عاوزة اشووفة

بعد ما قريت مقاال الدستور عنة

بس انا اتخيلتة اكثر بياضا من كدة

جميل اوى ياشادى

مش البنطلووون

لا

صاحبة

شادي أصلان يقول...

سهر
أعتقد أن الخيال حق مكفول للجميع
وانا بقي مش هقول انا كنت أقصد ايه.....بس انا سعيد اوي ان الكلام وصل بالشكل دا لانه شكل مهم بردو ولا ايه؟

شادي أصلان يقول...

دعاء
اه هو دا بقي البنطلون
المرة الجاية هيكون أكثر بياضا......
اما بقي بالنسبة لجمال صاحب البنطلون
أسمحيلي أقولك أن أنتي الي عنيكي ودماغك جميلة علشان
شكرا

عروسة ننوسة يقول...

معلش تعيش وتاخد غيرها...تحياتى

شادي أصلان يقول...

gannah
ميرسي
مع اني كان نفسي توضحي اكتر شوية بس عادي المرة الجاية

غير معرف يقول...

ياريت يكون الموضوع بنطلون قطيفة بس
فى حاجات كتير بنتمسك بيها ونحارب الزمن عشان نفضل متمسكين بيها رغم ان كل حاجة حولينا بتقولنا ماينفعش
بس للاسف مفيش حاجة الاوبتنتهى
بجد ابدعت ياشادى وعبرت بالصور وسيبت كل واحد يعيش
بيعجبنى اسلوبك يمكن عشان كلماتة متعشقة مع صورة
امسك القلم واكتب ياشادى وانا متابعة كتاباتك

شادي أصلان يقول...

مها العباسي بذات نفسيتها هنا
منوراني والله
الكلام الجميل دا لما يطلع من انسان جميل زيك
يبقي لا املك غير اني اافرح اوي لما اقراه
شكرا علي المرور واتمني انك تكرري الزيارة كتير
سلامووز

غير معرف يقول...

هع هع هع هع هع
انت عارف؟ انت محتاج كلمتين من مامتي لما بتقول على حاجة اتهرت من كتر اللبس: مش كفاية بأه؟ أظن عيب يعني! ده طبعا مصحوب بنظرات أرف (لا مؤاخذة يا شادي :) دي والله مش انا)

أي خدمة

غير معرف يقول...

بيكياااااااااااااا
روبابكياااااااااااااااا

شادي.. محتاج الراجل ده ف حاجة؟
نياهاهاهاهاها

شادي أصلان يقول...

مها ميهو
انا عارف طبعا انها ماما مش انتي
بس متأكده انك ملكيش علاقة بالراجل بتاع البيكيااااااااا !!!!

أسماء علي يقول...

شادي أنا شفت البنطلون ده قبل كده ؟؟
ههههههههههههههه
بس عشان أركز ...
....
التعلق بالأشياء .. أكبر متعلقة بأشيائها هي أنا ..
أتعلق بالأشياء لنظريات كثيرة تحتمل الجدل والنقاش ولا تحتمل التغيير معي ..
لعلني أرى أن أشيائي تحاول أن تظل معي مادمت صحتها تسمح ..
تملك تفاصيلي أكثر مني ..
أشيائي هي أشيائي
لأنني اخترتها و هي وافقت ..
......
شادي انت جميل زي ماانت

شادي أصلان يقول...

د / أسماء علي
لأ ياسمسمة مشفتيش البنطلون دا قبل كدا
وكلنا متعلقين بالاشياء بتاعتنا بس بإختلاف الدرجات ووجهات النظر
والاشياء نفسها بتحكم نوع معين من الاهتمام

حلو اوي حكاية ان اشيائك هي اشيائك لانها وافقت علي ذلك دون اي ضغوط

مش بقةولك عنيكي هتفضل حلوة طول عمرها
لما القمر يشوفني جميل دا انا لازم ازغرط :)
شكرا علي مجيئك في بيتك و مطرحك

soha zaky يقول...

يستطيع كل انسان يرى ما كتبته يا شادى ان يعرف أنه ببساطة
دوام الحال من الحال
ولو دامت لبنطالك ما وصلك البنطال الجديد الذى سيفرح جدا بدوره الجديد والمهم فى حياتك القادمة

افرح واستعد وابتهج فمن النهاية تبدأ دائما

صحيح
انا مش بعتلك تاج مردتش عليه ليه ها ها اعترف عموما هو فى البوست اللى قبل دا على طول ياريت تروح تبص وتاخده وترد عليه
ماشى يا عمنا

خيرالدين يقول...

مستنى تنفيذ وعد خالد بالتجمع قريبا
علشان نشوف الناس الحلوه دى كلها

خير الدين

شادي أصلان يقول...

أستاذه سهي / متشكر أوي لزيارتك الجميلة التي دائما ما تسعدني وأضافة وجهة نظرك الي بدورها بتخلي كلامي أعمق
أما بالنسبة للتاج فأنا أخدت المحتوي وهجاوب عليه أكيد
شكرا ليكي بجد

شادي أصلان يقول...

خير الدين
كلنا في انتظار هذا اللقاء الجامد جدا جدا
شكرا علي مرورك

Tamer Nabil Moussa يقول...

وممكن كمان تتصور جنبة وتعلق الصورة بحجم كبير فى مكان واضح فى البيت

العزيز عزيز


تحياتى

شادي أصلان يقول...

تامر
نورتني
وتحياتي انا كمان

أسماء علي يقول...

شادي بيه
مش سهى مررتلك تاج ولا لا؟؟
يلااااااااااا
عايزة اشوف ردودك بقى
عيب الكسل ده

شادي أصلان يقول...

ماشي يا سمسمة بس خلي بالك انتي اول حد همرر له التاج دا وخلي بالك بأه

2ensan wnsan يقول...

شادي باشا

ازيك وازي والبنطلون كده

انت نشرت المقال متأخر على المدونه انا قريته على ضربة شمس على فكره

بالمناسبه يا ريت يا ضربشمساوي يا كبير تخش معانا في المدونه الضربشمساويه

http://darbetshamss.blogspot.com/

يا ريت يا برنس تشرفنا بموضوعاتك انت وكل الضربشمساويه الجامدين

شادي أصلان يقول...

واحد ونسان
شكرا ليك علي زيارتك الجميلة
ان شاء الله هزورها

دعاء مواجهات يقول...

ازيك يابرنس

عامل اية؟؟

اختفيت فين كدة فجأة

التعليقات عندى ملهااش طعم من غيرك

لسة منزلة بوست قالب الدنيا

تحيااتى

بيس

دعاء مواجهات يقول...

اة عاوزة اقولك

انى اتفقت مع مجموعة من الضربشمساوية

ع مدونة نسميها ضربة شمس

عاوزينك معانا

هااااااااا؟؟

تيجى؟؟؟؟؟؟

مستنية ردك

بييس

شادي أصلان يقول...

دعاء دايما زيارتك بتسعدني
وهاجي ابص علي البوست بتاعك
وبالنسبة للمدونة ربنا يسهل ونشوف
هادر عليكي قريب ان شاء الله

Omnia يقول...

أنا أسفة بجد أنى بقالى كتير مجتش..الدراسة وكده
أتفضل أسمي كله..وعلى فكرة انا مش بأخد بالى أنه حلو غير لما حد بيقولي

وده شىء بيشرفني أنى أجى هنا أصلا :)

شادي أصلان يقول...

omina
الاسف ليا انا اني باخد جزء من وقتك
بجد كلامك يدل علي شخصية جميلة
شكلك كدا بيقول انك انسانه
:)

Omnia يقول...

مش عارفة واللهى اكتب أقول أيه..؟؟
انت بتاخد الى حقكك واللهى أنا بستمتع فى المكان ده..
وبجد شكرا على ذوقك..والله اعلم بالناس :)

شادي أصلان يقول...

omnia
انا بكون اسعد لما انتي بتيجي وتنوري مدونتي
شكرا لذوقك
شكرا بجد

maha يقول...

الحاجات القديمة مهما تقدم بنفضل نحبها وتفضل ليها مكانة خاصة جوانا عشان بتبقي شايلة معاها ذكريات لايام جميلة بتفتكرها لما تشوف الحاجة القديمة ده فانصحك انك تفضل مخلص ليه للنهاية لانه بعد كدة هتعرف قيمته

شادي أصلان يقول...

مها
نصيحه مقبوله وانا فعلا مخلص ليه لنهاية

Reham Sh.. يقول...

لازم بوست البنطلون يكون له حق الرد من اي زائر للمدونة..رد وتحية لفكرة مبتكرة المفروض تسجلها براءة اختراع

اسلوب مش انا اللي اعلق عليه طبعا
السلاسة..ملامسة الواقع..الترميز الجميل اللي بينقل كل واحد للحظات وناس وأيام واشياء
بوست للتفكير والتأمل فعلا

انت هايل وده مش جديد

Rere shoaib

شادي أصلان يقول...

ريهام
بجد مش عارف اقولك ايه علي الكلام الجميل دا زيارتك تسعدني اوي
ميرسي ياجميل