الخميس، 22 مايو، 2008

فاصل بدون صورة

أشعر انني اريد الكتابة ولكن لا اعرف ماذا سأكتب هل اكتب اي كلام لكي تكون كتابة ؟! أم يجب أن اكتب كلام لة معني ؟ سؤال يؤرقني أعتقد انة صعب .
هي معادلة مستحيلة اجد نفسي اريد أن أمسك القلم وأكتب بشهوة .
نعم شهوة حقيقية للكتابة لا أعرف ماذا سأكتب ولا كيف سأكتب ولكن اشعر بانه يجب ان يكون هناك كتابة وانني أكون صانعها.
ماذا وكيف ولكنة سيحدث تدفعني شهوتي لإرتكاب هذا الفعل للوصول للحظة النشوة تلك اللحظة التي سوف اتمكن فيها من الوصول لنهاية ما بداته .
ولكن هل سوف اتمكن من هذا فعلا ؟ لا اعرف ولا اريد ان اعرف ’ ولو تم فهل سيتم كما أردته دائما ام لا ’ وهل سوف تطفيء شهوتي للكتابة ؟ ’ ولو حدث وانطفأت هل هنا أستريح منها ام ستظل تؤلمني ’ في تلك الحالة سوف تكون رغبة بدون شهوة اذا كان هناك فرق بينهم وان لم يكن فسوف تكون رغبة مدمره اعتقد ان هذه اللحظة هي قمة الألم دائما ما تمنيت أن تموت تلك اللحظة ’ فكيف يعيش الانسان برغبة دون القدره علي تصور احتمالات تحقيقها .هل هذا كلام ام كتابه ولا هو ايه بالظبط مش عارف بس الي عارفة كويس ان لازم اقفش في حقي اني اكتب زي ما انا عايز بغض النظر عن دا ايه طول ما انا مش من حقي اني أحدد رأي الناس يبقي من حقي اني اكتب الي انا عايزة ولا ايه ؟

هناك 37 تعليقًا:

maha miho يقول...

مممممممممممم،، شفت انت كنت عايز تعمل ايع وعملته فعلا؟؟ عايز تكتب عشان لازم تكتب الكتابة اللي توصلك لمرحلة الرضا والشعور انك تعمل: "حححححححح ايوه انا كده ارتحت وكتبت كل اللي ف بالي واللي يرضيني".. حسيت ده؟
مرة جالي الاحساس ده ووصلتله بس بعد فترة،، انت بأه وانت مش حاسس كتبت اللي انت حاسه فراح طالع الاحساس كلمات وصلت تعبيرك لينا ووصلتك انت نفسك للمرحلة اللي انت عايزها على ما أظن
كلامي ملخبط ولا حاجة؟
تعالى عندي البلوج عزماك على شاي بلبن،، آه وربنا بس انت روح،، ياللا انت لسه هنا!!

غير معرف يقول...

حاسس انك عايز تكتب اكتب حتى لو مش عارف هتكتب ايه
هستأذن من خالد كساب اني اقتبس من كلامه واقولك الكتابه فعلا زي مزه جميله لو عاوزها حسسها بس بكده وهي تكون بين ايديك مش مهم عاوز تقول لها ايه المهم تكون عاوزها بجد
بس اوعى في يوم تناديها وانت مش حاسس بيها وقتها هتهرب منك ويمكن تخاصمك وتندم عليها

شادي أصلان يقول...

هو من ناحية ملخبط يا مها ميهو فهو ملخبط :) لا بهزر كلام مظبطو
بس انا بحب الشاي سكر زيادة

شادي أصلان يقول...

غير معرفو
زيارتك اسعدتني وكلام الكبير كساب طبعا مهم كمان
اسمحيلي اقولك ان الكتابة مزه مزه يعني

غير معرف يقول...

من حق اى انسان شرعا وقانونا انه لما يعوز يعمل حاجة يعملها بس طبعا كلنا عارفين واتربينا على الكلام ده واحنا صغيرين اننا مش مفروض نضايق غيرنا
وانت عمرك ما حتضيقنا بكلامك ده احنا بنستنا الوحى معاك ارجوك اول ما تحس بالرغبة ديه اكتب على طول واكتب فورا
واكتب بكل احساسك كتابتك بتوصلك احساس بالرضا وكلامك بيوصلنا احساس بالرضا
ومتهيئلى ان الشهوة هى مرحلة متقدمه من الرغبة
ضحى

شادي أصلان يقول...

دائما ما تثرين المدونه بتعليقاتك الرائعة يا ضحي
بجد شكرا ليكي

wa7ed 2ensan wnsan يقول...

صباح الخير يا برنس كويس انك توصل للحظة النشوه في الكتابه وفي اي حاجه كمان على فكره وكويس ان الكتابه عندك شهوه لان في ناس بتكتب بحس انها بتكتب عشان دي وظيفه او شغل وخلاص مش مهم بقى يكتبوا ايه كويس ولا وحش

شادي أصلان يقول...

جميل اوي ان الواحد يكون يبعمل الحاجه علشان هو عايز يعملها مش علشان دي وظيفه

dodda يقول...

شادى اصلان

احساس قد ينتابنا جميعا قد يكون كتابة او كلام انه التعبير عن شىء بداخلك
واحساس اخر هو ان تطاردك افكار تريد كتابتها وتعصف باحساسك وتضعط عليك لتخرجها..ولكن!!
كلماتك لا تسعفك او لا تجد قلم

كلها رعبات وان لم تسيطر على رغباتك..ضاعت فكراتك ومعاها كلماتك
عموما عندك قلم وورق..اكتب ولو معجبكش اوعى تقطع ورقاتك

بس المهم تحسن خطك
*انت المدون الوحيد اللى شفته قبل ما اقرا كتاباتك
مما يمنحك شىء من التميز

شادي أصلان يقول...

dodda
انا معاكي في كل كلامك وكمان متفق معاكي ان الورق مفيش اكتر منه

التمييز لكي والزيارة تشرفني
شكرا ليكي بجد

عاشقة القمر يقول...

شادي .. بجد حلو اوي وعجبتني جدا جدا حكاية انك تقفش على حقك في انك تكتب اللي انت عايز تكتبه دي .. لانها جت في بالي من فترة وانا بكتب في المدونة المتواضعه بتاعتي اني مش مهم اني اكتب كويس اوي ولا مرتب جدا ولا مزوق موت المهم اني اكتب اللي انا حساه واللي يعبر عني انا مش عن حد تاني لانها كتابتي انا .. ايا كانت عامله ازاي ..
وبالنسبة للشعور بإنك عايز تكتب فحصلتلي قبل كده وكتبت وكتبت وكتبت زي ما اكون بقولي انا حاسه بإيه او جوايا ايه بإني طلعتهولي على الورق لغاية ماعملت زي ما ميهو قالت كده ححححححح كتبت ..
رغيت انا كالعادة مع اني عندي امتحانات بس هحاول ماجيش تاني لغاية ما اخلص واجي ارغي براحتي .. ادعيلي بقى .. يلا الى اللقاء ..

شـمو نشـادر يقول...

اكتب يا عم شادى ..
اكتب براحتك واللى يكلمك قوللى بس ..
ولعلمك انك تكتب ده مش حقك بس ..
ده حقنا كمان ..
ليه تحرمنا من الكلام الحلو ده ..
تحياتى ..
أسامة أمين

سـهــــر... ساكن دروب الليل .. مستنى نقطة نور يقول...

الكتابه حاله من التنفيس و التعبير عن النفس و هى حاله مريحه جدا و فعلا كانها اى غريزه ( زى الاكل او الشرب ) لكن فيها متعه مختلفه و اكبر
و كاننا بنتخلى عن حمل و ثقل على عاتقنا - او بالاحرى على قلوبنا - و بيخف الحمل ده اما بنكتب ( ده ف حالة ان القلم يطاوعك و يعبر عن حالتك صح )

لكن كلامك هنا خلانى افكر ف شىء تانى
ان احيانا بنخاف من التعبير ده ليبوح ازيد من اللازم فيكون البوح مكشوف فنحاول اكتر نوارى او ندارى فيتعلم الاحساس انه ما يديش للقلم كل مساحات حريته فيحصل اختناق

حقك انك تمارس حريتك ف الكتابه طبعا خصوصا ان حتى مجرد فكرتك اثارت افكارنا
فما بالك لو عبرت اكتر عن نفسك


شادى
مدونه جميله لقلم مميز و صاحب فكر مميز
سمحت لنفسى اضيف مدونتك فى اصدقاء السهر

محمد إبراهيم محروس يقول...

اكتب يا شادى
طبيعي الاحساس ده
وبجد بيبقى قمة في الجمال لما تحاول تكتب اللي أنت عايزه
واللي بتحبه
اكتب
الكتابة هوس وجنون
الخلاص الوحيد منها هي
الكتابة
نفسها
فزورة صعبة الكتابة
بل فزورة تحتاج إلى شيء أبعد مننا
شيء بيضغطنا لنصبح
لنكتب ما نريده
أجمل الاحاسيس أن تكتب ما تريده
خالص تحياتي

ahmed يقول...

أنا أول مرة اشوف مدونتك. بس احب طبعا اكون من اصدقائك . عموما لما بحب اكتب و ما لاقيش موضوع بحاول ارسم وشوش و عيون و مناخير و بق لحد ما اصالح الكتابة . أحمد عبد اللطيف

مدحت محمد يقول...

اه فعلا الكتابة شهوة ومتعة فى حد ذاتها وتفريغ حاجات جوانا

كتير اوى

شادي أصلان يقول...

عاشقة القمر
رغيك دائما مفيد جدا من النوع الي مالوش اعراض جانبيه
كل مرة تيجي بكون مبسوط اوي

شادي أصلان يقول...

أسامة امين
حاضر يامعلم

شادي أصلان يقول...

ياااا مش عارف اعبر عن شكري
بجد اخجلتني تلك الكلمات الرقيقة
رؤيتك لكلامي بالشكل دا امتعتني جدا جدا جدا
اما بالنسبة لأصدقاء السهر فأنا يكون ليا الشرف اني اكون من أصدقائك

شادي أصلان يقول...

محمد إبراهيم محروس
منور الدنيا ياكبير منو بجد
كلام بيأكد بشكل قاطع صعوبة المعادلة
الهوس والجنون = الكتابة
يااااااااااااا
معادلة بجد صعبة

شكرا لزيارتك الي بجد اتمني انها تتكرر كتير اوي اوي اوي
وانا الي احييك

شادي أصلان يقول...

أحمد عبد اللطيف
انا كمان صداقتك شيء يشرفني
وكويس انك بتلاقيلها حل
-------
مدحت محمد
صح بردو كلامك
ياريت تكرر زيارتك دائما

!!! عارفة ... مش عارف ليه يقول...

تحية لصرختك في وجه الصمت
حتى ولو على الورق وانك حسمت الأمر بينك وبين نفسك في أن تقول ما تمنيت
بغض النظر عن ماهيته

المهم أن تخرج المارد من القمقم

تحياتي

شادي أصلان يقول...

عارفة مش عارف ليه
ربنا يقوينا ونقدر نخرج المارد من القمم
يارب بس محدش فينا يقضي علي التاني

e7na يقول...

الشعور ده بيجينى كتير والله
مش عارف بأحس انه طور من اطوار الاكتئاب او المزاج السيىء
لكنها حاله طارئه تزول سريعا خاصة حينما تقرأ شىء يعجبك او تسمع أغنيه رقيقه
او يمكن لما نلاقى مدونه جميله زى بتاعتك

احمد خيرالدين
ضربشمساوى شقيق

شادي أصلان يقول...

احمد خير الدين
ايها الضرشمساوي سعيد بزيارتك وان مدونتي نالت اعجابك
شكراليك
بجد

osama يقول...

اكتب كما تشاء ، فجر براكين داخلك، ولتفور النفس مدادا على الورق لتحرقه ، حتى اذا جف الحبر وتبقى منه شيء من رماد كان تريقاً للذات...
دمت بكل ود
خالص تحياتي

شادي أصلان يقول...

اسامه منور الدنيا والله
نصيحتك في الجون
خالص تحياتي

غير معرف يقول...

انا بعتبر اللخبطة دى علاقة حلوة مع القلم
انت متلخبط عشان بتحب قلمك جدا وعايزلة كل حاجة حلوة
عارف اغنية منير

لو واقف وسط كتير
ممكن تختارك انت
مهما تطول المشاوير
فى اخرها هتوصل انت
والعاقل لو يلحقها يتبدل بيه الحال
الفرصــــــــة
بس خليها القلم

شادي أصلان يقول...

غير معروف
صح
الكلمة بنت جميلة راكبة عجلة ببدال

مها يقول...

بالضبط الكلمة بنت جميلة

wa7ed 2ensan wnsan يقول...

ايه الخمول دا يا شادي باشا

عايزين نقرا حاجه كويسه بقى هيبقى انت وطارق امام ولا ايه

ولا نقرا بكره في الدستور ولا ايه النظام

دعاء مواجهات يقول...

جميل اوى ان الكتابة تكون نتيجة رغبة والاجمل ان الرغبة محملة بالنشوة

كلااام جااامد وتقيل ميطلعش غير من ضربشمساوى أصيل

تحيااتى ليك

شادي أصلان يقول...

واحد انسان ونسان
معلش ان شاء الله مش هيكون في خمول

شكرا لاهتمامك

شادي أصلان يقول...

مواجهات
ربنا يخليكي يارب ودايما منوره الدنيا كدا عندي

د\أسماء علي يقول...

احم احم .. برضه متأخرة ..
...
أحيانا نشتاق للفعل دون رد فعل ..
الكتابة كثيرا أشتاق لها .. لكنها فتى لعوب معي .. أوده و أشتاق لكنه يبتعد في لحظات جنوني الإشتياقي .
و يعود حينما أعتقد أنه لن يعود ..
ومابين الإشتياق واللوعة والإبتعاد و استيطان الفراغ لي ..
أجد أنني أكتبه ..
يحق لي كتابة ملحمة عن فتاي يا سيدي .....
........
شادي
بجد انت فين ؟؟
...
بوست حلو زي صاحبه .

شادي أصلان يقول...

د / أسماء علي
من غير احم احم
تيجي متاخرة براحتك مفيش مشكلة بس المهم انك تيجي في الاخر .
كلامك أضاف عمق كبير لكلامي
بس انا الكتابة بالنسبالي فتاة لعوبة بنت جنية :)
اما بقي انا فين فأنا موجود اهو ومستنيكي ابقي تعالي
وصاحب البوست الي هو العبد لله بيقولك انتي احلي يا قمر

maha يقول...

اول اما يجيلك الاحساس ده امسك ورقة وقلم واكتب اول حاجة تيجي علي بالك ومش مهم لو كتبت وحش المهم انك تكتب الي انتي حاسه