الأحد، 20 أبريل 2008

حب


ممكن تعيش عمرك كلو من غير ما تحب الحب دا حظوظ ممكن تقابلو و ممكن تموت من غير ما تقابلو......الجمل الي من النوع دا انا سمعتها كتير اوي و كل ما اسمعها احس ان قلبي بيتخطف وأقول ياتري هو دا صحيح يعني انا ممكن اعيش عمري كلو من غير ما اقابل الحب؟ مش عارف حاسس انها حاجه غير مقنعه بالمره مش طبيعي ان الواحد عمرو يعدي من غير ما يقابل احلي حاجه في الدنيا .مش متخيل ان مش هعيش اليوم الي تكون احلامي فيه حقيقه يعني الاقي حب بجد....اعيش لحظه حب صادقه...لحظه شجن ...لحظه حنين .....و قلبي يبكي من كتر الاشواق بس بكي جميل....لما اكون لوحدي و اتمني لحظه لاقي.مقدرش اعيش من غير امل ان اليوم دا هعيشوا.يمكن اموت ....فعلا اموت...بس ....اعيشو.

هناك 8 تعليقات:

عاشقة القمر يقول...

جامد جدا يا شادي .. بجد حلو اوي .. انا كمان كانت دايما بتشغلني اوي الجمل دي لما اسمعها بس انا حاسه انها صح اوي صحيح بتفزع واحزن اما اصدقها بس هو ده الواقع ياولدي :)
انت عارف هي يمكن تكون صح اوي لانها مش مقصود بيها الحب وخلاص بس كل واحد فينا بيدور ومستني الحب اللي في خياله هو واعتقد ان هو ده اللي بيبقى صعب اوي ان الواحد يلاقيه ويمكن يعيش ويموت من غير ما يلاقيه .. بس خلي عندك امل ..
رغاية انا اوي هه ؟ .. هحاول في الردود الجاية مارغيش اوي كده :)

شادي أصلان يقول...

بالعكس ردودك الطويلة تفتح مجال للمناقشة التي تسعدني بدورها
طيب وحتي لو هيا صح تفتكري ان دا حله ايه ؟ اعتقد ان دي تكون كارثة كبري
ان الواحد ميلاقيش الحب الي بيحلم بية
بس لو ملقهوش يكون دا نصيبة صحيح منقدرش نعمل حاجة بس ادينا بنحاول
واخيرا وليس اخرا ممكن تكون صح اوي وممكن تكون غلط اوي اوي اوي كما اتمني

أسماء علي يقول...

هو أحيانا بيجي الحب والظروف تقول لا
وأحيانا بيجي بعد مصايب ونخاف
وأحيانا بسيقى القلب عايز يحب ويعرف شخص غلط ويفتكر ان هو ده ..
بس في النهاية مااعتقدش ان في حد مش هيعدي عليه الحب اللي بجد
بس لو عرف ساعتها ياخد باله ان هو ده ..

شادي أصلان يقول...

اكيد طبعا يا سمسمة
بس تفتكري ممكن الحياة تمشي من غيرة؟
انا عن نفسي شايف انها صعبه

غير معرف يقول...

اكيد لازم كل حد فينا هيقابل الحب اللى بجد الحقيقى
بس الاهم اننا مفضلش مستنينة لاء لازم ندور علية نحاول نلاقية وهوا كمان اكيد هيلاقينا
بس ياريت اللى فينا يقابل الحب دا يحافظ علية علشان هوا زى الفرص بتيجى للانسان مرة واحدة بس

رحاب يقول...

اكيد لازم كل حد فينا هيقابل الحب اللى بجد الحقيقى
بس الاهم اننا مفضلش مستنينة لاء لازم ندور علية نحاول نلاقية وهوا كمان اكيد هيلاقينا
بس ياريت اللى فينا يقابل الحب دا يحافظ علية علشان هوا زى الفرص بتيجى للانسان مرة واحدة بس

شادي أصلان يقول...

انا بردو بقول كده يارحاب

Ghaada يقول...

معلش ردي متأخر شويه
عارف ياشادي مشكلتنا كلنا خايفين نعيش من غير ما نقابل الحب الحقيقي
بس المشكله الاكبر ان خوفنا ده بيخلينا دايما ندور عليه ووقتها بنحاول نوهم نفسنا ان اي احساس نحسه ناحيه اي حد ان ده حب بجد.
ورغم اننا بندور عليه بس كتير لما بنلاقيه بنضيعه في لحظه عند ونفتكر اننا ممكن نلاقيه تاني
متهيألي محدش فهم حاجه ...ولا انا كمان