الأحد، 30 أغسطس 2009

تفاصيل ودروب


أحياناً في بعض الجلسات الدافئة مع الأصدقاء يتطرق بنا الحديث عن شيء أو شخص أو حتي فيلم ما فأجد نفسي بشكل تلقائي أتحدث عن تفاصيل هذا الشيء الصغيرة فأتذكر إبتسامة أو إشارة معينة وكثيراً ما يكون هناك العديد من المحاولات لإشراك أحد الأصدقاء في متعة تأمل تلك التفصيلة الصغيرة ولكنها دائماً ما يكون مصيرها الفشل وبالتالي تضيع علي أنا أيضاً تلك المتعة.

ولكن ما يزعجني دائماً هو تلك التعليقات والأراء السخيفة التي يكون من شأنها دائماً هدم متعتك في تأمل تفاصيل الحياة الصغيرة فعندما يلفت نظرك طفلة صغيرة مثلاً تؤدي شيء ما بالقرب من مكان جلوسك ويكون في هذا الشيء تفصيلة قادرة علي رسم إبتسامة ولو علي إستحياء علي وجهك فمن حقهما - الفتاة والتفصيلة - أن تتوقف عندها وتتأملها قليلاً وتعبر عن إعجابك ولو حتي بالصمت لثوان قليلة.

أما التفاصيل الصغيرة التي يجب أن تأخذ حقها في التأمل والنظر إليها كما يجب هي تلك التفاصيل التي يحتويها كتاب الحياة بين صفحاته، فمع كل صفحة وكل شارع وكل حارة في حياتك هناك العديد من التفاصيل الصغيرة جداً التي يجب أن تراها جيداً وتنظر إليها نظرة تتلائم مع دقة صنعها، فالشيء الأكيد أنها صنعت بتلك الدقة والمهارة لكي يكون لها تأثير ما علي المحيطين بها فهي ليست نوع من أنواع العبث أو النزق ولكنها أشياء صنعت بإحكام شديد لكي نتفاعل معها ونتأثر بها ونتحدث عنها ونكتبها ونراها كما تريدنا ان نراها .

والغريب أن تلك التفصيل لا تنتهي ولا تستطيع حصرها فهي موجودة بكثرة طوال الوقت، لذلك إذا كنت تنتظر مني أن أخبرك ما هي التفاصيل التي يجب أن تتوقف عندها فاللأسف الشديد سوف أخذلك فلكل منا حياته ولكل منا عدة دروب مختلفة نصنعها بأنفسنا وأي محاولة مني للتدخل لإيضاح إحدي التفاصيل في طريقك ستكون قلة ذوق وتطفل مني علي حياتك، ولكننا قد نلتقي ذات مرة عند تفصيلة واحدة في زقاق صغير من حياتنا وقد نتحدث كثيراً حولها وبعدها نفترق ليذهب كل منا في طريقه فقد تجعلنا إحداها نسلك طريقاً دون الأخر ولكن الأكيد أنها سوف تزيد من متعة الحياة.

تخيل أنك تتفاعل مع كل الأشياء المحيطة بك من بشر وطرق وأشجار ومباني تُضفي عليها من روحك وتترك بها أثراً كما تترك هي بك علامات، أعتقد أن الله خلقنا لهذا وكذلك أعطانا القدرة علي خلق تلك الأشياء لنفس السبب فقد تكون إحدي تلك التفاصيل تحتوي علي علامة قادرة علي تغيير مسارك لتسلك طريقاً سرياً لا يستطيع أن يدلك عليه سواها.

ولكن أهم ما في الموضوع هو متعة الأهتمام بتلك التفاصيل ومتعة رؤية كل شيء تتعامل معه بمفهوم صحيح، والمتعة الأكبر هي أنك عندما تتجاوز شيء ما تكون تعرف جيداً انك تركت به ما قد يقدمه لغيرك وبذلك عندما أمر علي شيء قد مررت أنت عليه ربما أجد ما يخبرني أنك كنت هنا وسوف يجعلنا هذا نلتقي كثيراً ... والأن إسمح لي فسوف أتركك وأذهب لأتأمل تلك التفصيلة هناك علي ناصية الشارع الموازي لدرب الحياة وقد نلتقي عندها، إلي أن أراك ... .peace


هناك 20 تعليقًا:

possy يقول...

شااااااااااااااااااااااااادى
يعنى سعادتى اتنين
الاول :بك ولرجوعك
التانية: لمقالة دى لانى وقعت فى غرامها من اول مرة

طبعا فاكر لما قولت ان الرومانسية مش حب وبس لا ، دى نظرة شاملة لكل اوجه حياتنا وده اللى حسسته لتانى مرة وانا بقرا كلامك
"عندما تتجاوز شيء ما تكون تعرف جيداً انك تركت به ما قد يقدمه لغيرك وبذلك عندما أمر علي شيء قد مررت أنت عليه ربما أجد ما يخبرني أنك كنت هنا وسوف يجعلنا هذا نلتقي كثيراً .."

ومعك لاخر المشوار فى التاكيد على اهمية التفاصيل وقدرتها اللا متناهية لتغير مسار دفة حياتنا، بس الللى يدرب روحه ويشوفهاا ويشيل غبار اليأس عن روحه عشان العيون تشوف العلامات للطريقه

بجد وااحشنى كلامك يا غازف كمان الكلام والاحساس

بوسى وكل سنة وانت طيب

Unknown يقول...

لما بقرا أى مقال بيكون مذيل بتوقيعك بتكون ليا طقوس خاصة أو تفاصيل صغيرة كدة على غرار التفاصيل اللى أنت بتقابلها وفعلا بتزود استمتاعى بيه بشكل كبيير...فعلا معاك حق أوى التفاصيل الصغيرة دى هى اللى بتدى طعم لحياتنا وبتميز كل يوم وكل شخص عن التانى..بتصور لو مكنتش موجودة كانت حياتنا هتبقى مجرد تكرار ممل للأحداث اليومية..
الكلام اللى بتكتبه فعلا بحس أنه متركب عليك..يعنى مينفعش اقراه من حد تاى ولا حد تانى ينفع يكتبه
شكراااااا على الحالة الجميلة والمتعة الخاطفة اللى بتديهالنا ولو على فترات طويلة
:)

كراكيب يقول...

انت اصلا اساسا بتاع التفاصيل الصغيرة
اول ما قريت البوست ده افتكرت البوست بتاع البنت الصغيرة ام عروسة ف ايديها واخوها اللي بيلعب بالكاوتش
البوست ده حلو اوووي ولولا انك اخدت بالك من اصغر التفاصيل ماكانش هيطلع بالجمال ده

معلش يا شادي بالنسبة للكائن الحي الجميل اللي بيخضنا اول ما ندخل البلوج
حضرتك زراعه قسم حشرات او حاجة
ليه يا ابني كدة ده حتى الدنيا حر والدبان مدوخنا.. هي الصورة ألوانها جامدة فعلا حقيقي ده صحيح
بس... يللا بقى بس عموما يعني انا لازم اقولك اني بحب اختيارات الصور بتاعتك

كنت عايزة اقول ايه كمااان
آآه شادي شادي
هو انت فكرت تجمع بوستاتك دي كلها اللي اتكتبت في البلوج وفي الجرنان وتحطهم في كتاب؟؟ هه؟؟؟؟

كفاية رغي بقى.... الله

miro el niro kwanirooo

Ola يقول...

انا باهتم بالتفاصيل جدا فى كل حاجة .. باحس انى بافهم الحياة اكتر

Unknown يقول...

عظمة

شادي أصلان يقول...

بوسي
الاول مبسوط لانبساطك
:))

فاكر طبعا كل الكلام ده اللي اتكلمناه بعد المقال ده

ومش قادر اقولك قد ايه كلامك بيخليني مش قادر ارد عليه
:)))

شادي أصلان يقول...

مها

شكرا انتي ياقمر علي كلامك الجميل ده

وبجد مبسوط قوي انك هنا والمدونة منورة ويارب تكوني موجودة علي طول

ميرسي ياقمر
:))

شادي أصلان يقول...

كراكيب
الاول مبسوط ان المقال عاجبك
ودي حاجة جميلة جدا جدا

اما بالنسبة للحشرات فانا بكالريوس تجارة
يعني ماليش في الحشرات خالص
بس عادي هو يعني الحشرة ملهاش نفس؟؟؟

اما بالنسبة لتجميع المقالات والبوستات فقولي يارب
:))

شادي أصلان يقول...

علا
الحاجات الكبيرة عبارة عن شوية حاجات صغيرة قوي جمب بعض

فتخيلي اهميتها فعلا هتكون عاملة ازاي

شادي أصلان يقول...

محمود بلال
الجميل

الله يسترك يامعلم
:)))

كراكيب نـهـى مـحمود يقول...

ابتسامه رائقة
لك ولتفاصيل الحياة ولطاقة البشر غير المرئية الدالة على حضورهم رغم الغياب

شادي أصلان يقول...

نهي الجميلة

ميرسي ياقمر
والله بتنوري البلوج وكده يعني لما بتيجي
:))

عاشقة القمر يقول...

جامد جدا اوي خالص بشكل فظيع كالعاده طبعا ..
:)

كثيراً ما يكون هناك العديد من المحاولات لإشراك أحد الأصدقاء في متعة تأمل تلك التفصيلة الصغيرة ولكنها دائماً ما يكون مصيرها الفشل وبالتالي تضيع علي أنا أيضاً تلك المتعة. ولكن ما يزعجني دائماً هو تلك التعليقات والأراء السخيفة التي يكون من شأنها دائماً هدم متعتك في تأمل تفاصيل الحياة الصغيرة ..

فكرتني بحالي اما بكون قابلت تفصيله من تفاصيل الحياة دي وبحاول اشرك ناس فيها وانا متحمسه اوي وبتكلم بانبهار مووت والناس قاعدين قدامي ووشوشهم ماعليهاش اي حاجة تدل حتى على انهم سامعني اساسا .. ويا سلام بقى لو اتفك الصمت ده من على وشوشهم وحد قالك نعم يعني ايه الفظيع في كده ..حرقة دم واحباط رسمي يا معلم ..
:)

بعيدا عن ان المقال كله جامد بس بجد الجملة دي مالهاش حل ومش هقدر اوصفها

وبذلك عندما أمر علي شيء قد مررت أنت عليه ربما أجد ما يخبرني أنك كنت هنا وسوف يجعلنا هذا نلتقي كثيراً ..

لك كل التحيات والحاجات الكويسه ..
:)

نورسين يقول...

بكل التفاصيل خارج وداخل الصنودق نحيا ؟ شجيرات جافة لا مورقة مزهرة ، خطوط عمر وآحداث نحتت باقتدار في ملامح عجوز شارد فيما لايمكن ان نصل اليه بعميق خيالنا ، قطة تعبث مع خنفساء صغيرة امامها تشاكسها ، نملة تحمل فتات خبز ويسقط وتعود لتحملها اخرى ويسقط وتعود لتحاول اخرى وأخرى ,,,,,

التفاصيــــــــــــــــل كثيرة ولكن ترى من يرى

كل سنة وانت طيب
تحية

الحسين محمود يقول...

لا أعلم مصدر مقولة الشيطان يكمن في

التفاصيل ..

لكني لا أظنها جملة محقة ..

لكني من محبي التفاصيل .. و أدقها

كما أدعي و كما يدوعنني أصدقائي ..

أحياناً تعجبهم التفاصيل و أحياناً لا

لكن هذا لا يفسد متعتي في الحالتين

أستاذ / شادي

أنا عاوز أبدي إعجابي بالبوست اللي

أنا معاك فيه ..

و إعجابي بالمدونة عموماً

و بالصور التي تختارها مع كل بوست

خصوصاً ..

أخيراً

و بما أني أريد أن أكون من المتابعين

فأستاذنك في إضافة رابط مدونتك في

قائمة المدونات التي أتابع

بس كدهـ

السلامـ عليكمـ

شادي أصلان يقول...

عاشفة القمر
مببقاش عارف ارد علي تعليقاتك بجد

تسلمي
:)))

شادي أصلان يقول...

نورسين

وولكن من يري
نعم من يري يا نورسين

شادي أصلان يقول...

الحسين محمود
طبعا كلامك جميل ومبسوط ان البوست والمدونة عجبوك

وطبعا يكون شرف ليا ان حضرتك تحط لينك المدونة بتاعتي عندي

هنا بيتك ومطرحك ممكن تشرفني في اي وقت بزيارتك اللي هتكون سبب في انبساطي اكيد
:))

الحسين محمود يقول...

شكراً لكـ

حبات التوت يقول...

بعشق التفاصيل

احلى حاجة فى الدنيا التفاصيل الصغيرة اللى مش اى حد بياخد باله منها

بوست جامد اوى ياشادى

بجد انا برضة لما الاقى الاقى حاجة صغيرة اوى عجبتنى واوقلها لصحابى وانا منبهرة ومبسوطة بيها احاول اشوف تعابير وشهوهم الاقيها عادى بيبصولى بانبهار هوة فى اية

بجد بيصعبوا علية اوى انهم مش بياخدوا بالهم من التفاصيل دى


مع تحياتى ويلا