الاثنين، 12 مايو 2008

العجوز وأوراقة


جلس بجواري في إنتظار الأتوبيس القادم ’ كان في العقد السادس تقريبا من عمره تشعر مع شيب شعره وتجاعيد وجهه المحببة بالراحة ’ يحمل في يده مجموعة من الأوراق المهترئة الصفراء أعتقد أنها بقايا كتاب ’ لم استطع منع نفسي من اختلاس بعض الجمل من أوراقة إلي أن وقع نظري علي جملة هي عبارة عن نصيحة تقول : إذا أردت أن تري مدي التدبير الإلهي في حياتك ’ فليس عليك أن تنظر للمستقبل وإنما عليك أن تنظر إلي الماضي وعندها ستري ثمة نظام ما في حياتك .
أثارت تلك العبارة ذهني إلي أقصي درجة .... هل لو نظرت فعلا إلي سنوات حياتي الماضية سأجدها منظمة بتلك الدرجة التي لا يقدر عليها إلا تدبير إلهي ؟
إنني لا أتكلم عن القدر أو النصيب ولكن أتكلم عن علاقتي بمشاهد حياتي المختلفة من مواقف وعلاقات تمر علي مثلما تمر علي الكثيرين دون التوقف عندها ودون النظر لمدي تنظيمها من عدمه ’ فهل يجب أن أكون في مثل سن هذا العجوز لكي أشرع في الأهتمام بنظام حياتي؟
لو وصلت لهذه المرحلة العمرية ( دا لو كان لينا عمر يعني ) أعتقد أن أخر شيء من الممكن أن أسعي لكي أمتلكة هو قدرة كقدرة هذا العجوز علي مواجهة نفسي ببعض الحقائق التي من شأنها أن تؤدي إلي أكتشافي أنني عشت حياتي كلها وأنا لا أتمتع بذلك النظام الإلهي ’ أعرف أنني سعيد بالفوضي التي تسيطر علي حياتي ولن أحاول أن أقضي عليها ولكني لا أستطيع أن أنفي متعة هذا النظام الألهي ( دا لو انتبهت وخدت بالي منه ) ’ لن أستطيع أن أنفي متعة أن أقابل أشخاص وتمر علي مواقف دون تدخل مني وأجد أنها تسير بدقة متناهية - لا يقدر الواحد منا أن يسيطر عليها - طبقا لدور كل فرد منهم في الحياة ’ وتنعكس تلك العلاقات والمواقف بدورها علي أشخاص أخرين لتؤثر عليهم وعلي تصرفاتهم ’ كل هذه أشياء أعتقد أنني لو أدركتها فسوف أدرك متعة جديدة لم أشعر بها من قبل ’ متعة أن تكون حياة وتصرفات أشخاص أخرين تتأثر بحياتي وتصرفاتي الشخصية ’ والعكس بالنسبة لي فتصرفات الأخرين سوف تؤثر بشكل أو بأخر علي حياتي .
طبعا لي الحق أن أقبل ذلك التأثير الناتج عن الأخرين في حياتي أو لا أقبلة كما أن هذا من حقهم أيضا ولكن لا أستطيع أن أنفي وجودة ’ أما لو كان هذا التأثير المتبادل مقبول من جانبي ومن الجانب الأخر أعتقد أن تلك ستكون الحياة التي حلمت بها وتمنيتها دائما .أنتهت عجلة الأفكار عند الوصول إلي هذا الحد من الكلام وأنا أنوي أن أنظر للماضي كما قالت أوراق العجوز وأقرر أنني عند أول لمحة لهذا النظام الإلهي أن أقوم بالقفش فية لكي لا أفقده أبدا .



ضربة شمس ( جريدة الدستور ) 7/5/2008

هناك 37 تعليقًا:

غير معرف يقول...

صباح الورد عليك يا زعيم
ودايما منور ضربة شمس
الموضوع كان جميل جدا وفيه تفكير

تحياتي

شادي أصلان يقول...

ربنا يخليك ياد درش بجد وجودك بيشرفني
شكرا

قيصر سابقاً يقول...

على الرغم من الفوضى الكبيرة اللى فى حياتنا
بس جملة العجوز خلتنى اخد بالى من حاجه مهمه
ان اكيد يعنى فى شوية نظام فى حياتنا ..
كنت فاكر ان احنا اللى بنعمل كده بنفسنا .. بس اكتشفت ان احنا مبنعرفش نسيطر على رباط الكوتشى .!
هنسيطر ازاي علي حياتنا!
كنت اعرف واحد زمان كان بيقول دايما " حياتى انا اللى بعملها بنفسي "
نفسى اقدر احكم على كلمته
موضوع جميل ويخلينا نفكر كتير ..
تسلم ايدك

شادي أصلان يقول...

قيصر روما سابقا وقيصر المدونين حاليا
ياريت تقول لصاحبك يعلمنا ازاي بيعمل حياته
وياريت لو اتعلمت تربط رباط الكوتشي تبعتلي علي طول

حمامة يقول...

طبعاً محدش يقدر ينكر ان كل حاجة ف حياتنا مترتبة ومكتوبة من يوم ما اتولدنا الا وهو القضاء والقدر
فاحنا ما إلا ادوات علشان نصنع القدر ده مش اكتر
واعتقد برضه انى سمعت حد بيقول متستناش الحاجة تحصل قوم انت واعمل حياتك وده فعلاً صح
بس عموما كده او كده كله تدبير آلهي

سلمت يداك يا شادى

على فكرة نوت على جمب ومش مقصود منها اى حاجة نوهائى :

اسمك حلو جداً :)

شادي أصلان يقول...

حمامه سلام بيضا توصل للمدونة بتاعتي يارب يكون ليا حظ في السلام الي بتعدي بيه علي المدونات
طبعا كل شيء محسوب بدقة متناهية وما احنا الا ادوات
كلامك اسعدني جدا
بس الي اسعدني جدا ان اسمي عاجبك :)

عاشقة القمر يقول...

مستنياه من يوم ما قريته في ضربة شمس عشان آجي وارغي زي ما اتعودت :)
بس فين هنا - طب إيه ! - .. دي كانت عجباني جدا عشان زي ماقولتلك هناك طب ايه دي معايا على طول ما ببطلش طب إيه :) ..
المشهد كالعادة جامد جدا وصفك ليه مالهوش حل ..
والنصيحة جامدة آخر حاجة .. بالنسبة لي فعلا اما سعات بقف كده واحاول اتفرج على اللي فات بالذات لو حصل موقف جاب آخره واحب اجيبه من البداية بشوف فعلا ترتيب وتدبير الهي مايتوصفش في علاقة ناس بناس مشاهد بمشاهد مواقف وتكات كده مش ممكن يرتبلها بني آدم بالترتيب ده ولا بالدقة المتناهيه دي اللي توصل لشكل الحياة دي ..
بجد مقال جميل يا شادي وده طبعا مش جديد عليك ده العادي اللي اتعودنا عليه ..
تقبل تحياتي ورغيي اللي اتفقنا اني دايما هرغيه :)

CrY2DaY يقول...

اخى شادى اصلان
اعتقد ان اصلان جاية من الاصل

موضوع هايل مشكور على النقل

ــــــــــــــــــــــــــــــ
دعوة لفعل الخير
اتمنى زيارة مدونتى

تحياتى

شادي أصلان يقول...

بيرو ازيك بجد كلامك بيحرجني ويسعدني
حاجة جميلةجدا ان الكلام الي اكون كاتبه يوصلك بالشكل دا
وياستي زي ما اتفقنا رغيك دا شيء بيعجبني أوي اتمني انه يتكرر مع كل بوست

شادي أصلان يقول...

cry2day
شكرا علي زيارتك وعلي ذوقك واخلاقك
بس انا مفهمتش انت تقصد ايه ب مشكور علي النقل

اما بالنسبة لمدونتك فأكيد هقوم بالزيارة
شكرا

غير معرف يقول...

لما بنقف مرة واحدة كده ونقول: طب إيه
بتبقى حلوة لما بنقولها بدري وبتبقى أحلى لما بنقولها وهي نابعة من احساسنا اننا محتاجين نعرف: طب ايه
انما لما نقول: طب ايه، واحنا عدينا سنين كتير من عمرنا يبقى عيب علينا، وعيب أكتر لما الناس اللي حوالينا هما اللي يوقفونا ويقولولنا: طب ايه بأه
تصدق بالله؟ انا قبل ما اقرا البوست ده كنت لسه بسأل نفسي: طب إيه،، عارف نفسي قالتلي ايه؟
قالت: امشي يا بت انتي لسه فاكرة؟! وكلام تاني كتير مش هقوله :)
شادي،،، مبسوطة أوي اني جيت هنا.. وانت كمان ابقى تعالى عندنا,, انت ما بتجيش ليه؟ مش تبقى تيجي

شادي أصلان يقول...

مها ميهو سعيد اوي بمجيك
واكيد هاجي عندكو
وسعيد اكتر بكلامك بس بيتهيالي لما نفسك تقولك امشي يابت قوليلها بت لما تبتك ومفيش حاجه اسمها لسه فاكرة طول ماحنا عايشين لازم نقفش في الامل

غير معرف يقول...

متهيئلى انا لو قلت رايى فى المقالة تانى حتكون شهادتى مجروحة
بس انت وصلتيلى احساس ماكنتش فاهماه جوايه
ضحى

شادي أصلان يقول...

ضحي
زيارتك في غاية الذوق
اتمني انها تتكرر كتير
وشكرا

غير معرف يقول...

يا بخت أصحابك بيك , ربنا يوفقك ويسعدك

شادي أصلان يقول...

غير معروف
ربنا يخليك مع اني مش عارف مين بس الدعوه حلوه
شكرا

mostafa rayan يقول...

اخي انا لا اري اي تناقض بين فوضي حياتك وبين النظام الألهي لماذا لا تكون تلك الفوضي التي تعجبك انت وتتمتع بها كل التمتع هي النظام الذي نظمه الأله
تحياتي لك

شادي أصلان يقول...

مصطفي

يمكن مع اني انا اعلم جيدا ان النظام الالهي لا يحتوي علي الفوضي
بس بردو ممكن يكون كلامك صح

دعاء مواجهات يقول...

بجد بجد بجد

انا فرحانة اوى

انت نورتنى خالص فى المدونة وانا صيتك ااخر تصييت هنااااك

وكلااامك بتابعة ديما وبيعجبنى دور الفلسفة الى فى كلاامك واحلى حاجة انة بيخلى الواحد يفكر كتيير فى حاجات بيشوفها عادية

متنسااش تسلملى على خلوود

هو ليية مدونة؟؟

انا عارفة ان طارق امام لية واحدة بس مش عارفة اوصلها لوعندك اللينك ابعت على mwaghat_d@yahoo

او سيبة فى كومنت عندى او عندك مش هتفرق اصلها

هو انت شغاال فى الدستور ولا نظامك اية معاها؟؟؟

مستنياااااك كتيييير اوى اوى ع فكرة

وبجد نورتنى

دعاء مواجهات يقول...

اية دة انا تقريبا رغيت وطولت عليك سورى بقى ع الاطالة

بس اصلى فرحانة بزيارتك بجد

سلااام

2ensan wnsan يقول...

سلام عليكم يا برنس صباح الخير عليك وعلى كل الضربشمساويين وعلى زعيم الضرمشساويين ( طويل العمر يطول عمره وينصره على مين يعاديه هاي هيء) خالد باشا كساب

على فكره موضوع الولد والماسوره عجبني جدا وموضوع كاميرا ومجاميع وحشيش جامد جدا هو كمان واللحظه المقدسه غير قابله للتثبيت يا باشا انت ما شاء الله على اسلوبك جميل جداجدا يا ريت يا باشا تبلغ اعجابي لوليد طاهر ولطارق امام وايهاب الدسوقي وعلى مخلوف

ربنا يوفقكم

بيس يا برنس

شادي أصلان يقول...

دعاء مواجهات
بجد زيارتك أسعدتني جدا جدا جدا
ومستنيها كتير وياريت ترغي براحتك اوي

شادي أصلان يقول...

احد انسان
كلامك بجد جميل وان شاء الله أقدر اوصل السلام للناس
مبسوط اوي لمجيئك عندي
سلامووز

شادي أصلان يقول...

اما بقي يا دعاء بالنسبة للدستور انا طبعا يكون ليا الشرف اني انتمي للمكان الضربشمساوي الجامد دا
بس للاسف انا انتمائي للدستور غير رسمي
بس دا في حد ذاته شرف

شـمو نشـادر يقول...

انا قريت الموضوع فى ضربة شمس ..
وعجبنى جدا ..
بيقولو .. احنا كلنا عاملين زى قطع الشطرنج وفى اراده عليا هى اللى بتحكمنا وكل واحد فينا فاكر ان ليه ارادته الخاصه ..
لكن فى الاخر بتكتشف انك جزء من جيم كبير ..
مدونتك جميله ..
وعازمك ع الغدا فى مدونتى المتواضعه ..
تحياتى ..
أسامة أمين

شادي أصلان يقول...

اسامه ربنا يخليك
زيارتك اسعدتني
واكيد هاجي اشم النشادر عندكم

عاشقة القمر يقول...

انا جيت تاني بس المره دي مش هرغي على غير العادة .. انا جيت بس عشان اقولك ان صورة منير اللي انت حاطتها جامد ااااااااخر حاجة .. تحفة بجد .. تسلم ايدك يا باشا ..

شادي أصلان يقول...

ربنا يخليكي يا بيرو
الملك طبعا بينور اي حته يكون فيها

حمامة يقول...

لا جديد ولا ايه؟
اصل مجبتش الجورنال الاسبوع ده :D

dodda يقول...

(من الجميل ان نتأثر بجمله..وان كانت مختلسه من اوراق الغير)


وقع هذه الجمله على مختلف..
فأنا اؤمن بهذه المقوله بشكل كبير
واعرف ان اليد التى ترتب حياتى موجوده...فهى تضع المثيرات بدقه وتتركنى اقوم باستجاباتى كما يحلو لى..الا انها دائما تكتب العناوين الرئيسيه..
دليلى انه عليك البحث فيما مضى...فترى الوضع صحيحا.

لا تحاول البحت فى المستقبل فتتسارع حركتها لتتخفى وتزدحم الحياه وتمتلىءالصفحه عناوين "بالبنط العريض"

شادي أصلان يقول...

حمامه متشكر للهتمام ب لا منزلش حاجه الاسبوع الي فات

شادي أصلان يقول...

doda
تعليقك مميز
تشريفك ليا كمان مميز
اتمني انك تكرري الزيارة دي كتير
شكرا ليكي بجد

emy يقول...

الله عليك بجد يا شادى
انت كدة ديما كل مرة احسن واحسن

بجد كلام مبدع والتوفيق ديما

شادي أصلان يقول...

ربنا يخليكي يا ايمو
مستنيكي هنا علي طول

أسماء علي يقول...

وكم يبدو يا شادي أنني يجب أن يجيئ مجيئي متأخرا ..
ذلك التنظيم الآلهي الذي لا نعيه في لحظته ... نعتقد أن مانملكه في الحياة هو بعض فوضى وبعض حزن وأياء لا نفهمها .. بالوقت والوقت فقط هو من يكشف لنا ما يحدث ..
حياتنا كتلك الأشياء التي تظهر أنها غريبة ومخيفة وفوضوية لنكتشف مع الوقت روعتها ..
النبيذ حينما يُعتق يكتشف محبونه أنه رائع ..
.........
شادي ..
في صفحتك بانسى كل حاجة واغرق في تفكيرك ..

شادي أصلان يقول...

د / أسماء
في صفحتي الدنيا بتنور لما بتكوني موجوده وعنيكي تقع علي كلامي

متتخيليش قد ايه بفرح اوي لما تكوني هنا
لانك بكدا بتكوني فاكراني ودي حاجه بجد بتفرحني

maha يقول...

طبعا الموضوع جميل جدا وبيخلي كل انسان بتأمل ويفكر ولو لثانية في حياته والي عدى منها ويقف مع نفسه وقفة
مهما كانت حياتك فوضي ولكن الي في نظرم فوضي هو منتهي النظام حيث ان حتي فوضي الحياة هي تدبير الهي