الاثنين، 30 يونيو 2008

يوسف شاهين......مستنيينك




نقابل دائماً كلمات وجمل وعبارات وأشخاص نتأثر ببعضهم والبعض الأخرمنهم يمر مرور الكرام ولكن دائماً أسأل نفسي هل من الممكن أن تكون إحدي تلك الجمل أو الأشخاص سبب رئيسي في تغير حياتي ؟
أعتقد أنه من الصعب إختيار بعض تلك الجمل أو العبارات وخاصة في ظل ما يتسم به عصرنا هذا بمدعي الأفكار ومحاولات السيطرة علي العقول بشتي الطرق الممكنة ’ ولكن الكلمة الصادقة الحقيقة التي بدورها يجب أن تكون نابعة من شخص حقيقي وصادق ( وهم بالمناسبة قليلين جداً هذه الأيام ) تفرض تأثيرها وتترك بصمتها داخلي كما أعتقد أنها تفعل هذا مع الكثيرين .

ولكن من أكثر تلك الجمل تأثيراً في حياتي هي تلك الجملة التي خرجت من يوسف شاهين هذا الشخص الحقيقي الذي يعشق الحرية .... الأفكار ليها أجنحة محدش يقدر يمنعها من الطيران .... جملة عبقرية .. واضحة ومفهومة وصريحة تنطلق من عقل متحرر قد تختلف معه أو تتفق ولكن لا تستطيع أبداً أن تنكر إنسانيته .
الأفكار ليها أجنحة .. أتأمل هذا الجزء وأتخيل أفكاري .. مجموعة من الأشياء الصغير التي تتكون داخل عقلي تخرج لترفرف بأجنحتها يميناً ويساراً فأنطلق معها وكأن هذه الأجنحة تحملني أنا وهذا طبيعي فعقل الأنسان يتكون فعلا من الأفكار فما بالك لو كان لتلك الأفكار أجنحة !
لم يتوقف الأمر عند هذا فنتيجة طبيعية جداً في تلك الحالة - التي تتكون فيها الأجنحة للأفكار - أن تكون حره تعشق الطيران والتحليق وإلا فما فائدة الأجنحة ’ تتحرك في فضاء العالم الواسع كما أشاء ومثلما أريد لا يستطيع أحد أن يجبرها علي البقاء في قفص ولا السيطرة عليها وتقيدها فهي ملكي هي أنا .. فأطير بها كما أريد .
هنا تظهر عبقرية شاهين في بساطة الجملة التي تعبر عن واقع وكأنها رسالة للعالم كله بأن الأفكار لن تخضع لأي سجن أو قيد لن تستطيع أي أسباب أن تحجر علي أفكار حتي لو أختلف معها العالم كله .
بل أنها تتخطي هذا فأنا مثلا أعتبرتها نصيحة شخصية ولذلك أدعيت أنها من العبارات التي غيرت حياتي ... نعم وكأن شاهين يطلب مني أن أطلق أفكاري من القفص الذي أحتفظ بها فيه وأن أنحي الخوف جانباً وأكسر القيود وأحرر عقلي وأترك الأفكار تطير بعيداً إلي أبعد الحدود الممكنة لعلها يكون لها أثر أو مكان في عالم الأفكار هذا العالم السحري .


الأن عندما سمعت بخبر مرورة بأصعب حدوتة في حياتة تذكرت تلك الكلمات السابقة تذكرت كل الأفكار التي قد أكون أختلفت فيها معه ... لحظات مهمة يمر بها " جو " أتمني أنا وكل عشاق هذا الأنسان الحقيقي أن تنتهي علي خير ولا نملك في هذه الحالة إلا أن ندعو له بالشفاء .


هناك 12 تعليقًا:

!!! عارفة ... مش عارف ليه يقول...

ربنا يشفية

Omnia يقول...

ربنا يشفيه..ويهديه للخير :)

أسلوبك رائع يا شادى ..مش عارفة أقولك غير كده

ســـــــهــــــــــر يقول...

مش جايه اتفق و لا اختلف على فكر شاهين ولا تصنيفه بين العبقريه و الجنون
لكن له ولكل مريض امنياتى الطيبه بالشفاء


أ شادى

لك عندى امـــــانه
ارجو الحضور لاستلامها ... ف البلوج طبعا

شادي أصلان يقول...

عارفة ومش عارف ليه
ان شاء الله ربنا هيشفيه

أمنية
ربنا يشفيه وميرسي علي المجاملة

سهر
ياستي محدش بيقول نتفق او نختلف معاه دا موقف المفروض ميبقاش فيه اختلاف
اما بالنسبة للأمانه ان شاء الله هاجي استلمها

غير معرف يقول...

انا بصراحة عمرى ما كنت من معجبين يوسف شاهين بس اكيد طبعا اتمانله انه يقوم بالسلامه وربنا يشفيه
سرحت معاك فى طريقة شرحك للفكرة اللى قالها وتخيلت افكارى بطير وحسيت بحرية نادرا لما بحسها جوايا وابتسمت وانا راضية جدا عن الاحساس ده
دايما لما بتوصف حاجة بحس انك بتتعمق فى احساس جواية وانا مش عارفه انه جواية ودايما ببتسم الابتسامة الى بحس فيها بالرضا عن اللى انا حساه
شرحك للجملة اللى قالها كان هايل اوى
ضحى

Omnia يقول...

واللهى بتجبرني أرد عليك تاني..طب اعمل ايه بي شكلي مزعجة جدا..

واللهى ما مجاملة ..انا مش بعرف اجامل أصلا :)

شادي أصلان يقول...

ضحي
بجد كل ما بتعدي من هنا بكون مبسوط جدا
كلامك بيفرحني ياريت كتقطعيش الزيارات وميرسي علي ذوقك

شادي أصلان يقول...

أمنية
خلاص يبقي انا كل مرة هقول انك بتجاملي علشان اجبرك انك تدخلي مرتين في بوست واحد ايه رايك؟
ياستي دا بيتك ومطرحك يعني مفيش ازعاج ولا حاجه

r يقول...

بصفه عامه مش بسمع افلامه
واللى سمعتهم ليه فهمتهم كلهم بس بتشعر انه بيوصل اللى عايز يقوله بطريقه صعبه اوى
يمكن علشانن كدا ما حدش كتير بيفهمه -- البساطه ما فى احسن منها
بس بردوا اعترف انه مختلف عن الموجودين
بصفه عامه بعيد عن الاختلاف او الاتفاق هو اكيد علامه مصريه سجله
ربنا يشفيه
----------------
فكره ان للافكار اجنحه دا جميل
بس قدرتها على الطيران دا تبعا
للطير نفسه وطموحه فى التحليق او الهبوط
او يقعد فى العش على طول
سلمت

شادي أصلان يقول...

بسنت
طبعا شاهين علامة مصرية كبيرة ووجهة محترمة لمصر
اي حد ممكن يختلف معاه في افلامه بس محدش بيختلف معاه في انسانيته وصدقه ك انسان
اما بقي بالنسبة لحكاية ان الافكار طيرانها متوقف علي الطير
مهي امتي الجنحة هتطلع ؟ لما تكون الافكار حقيقية وبما ان الافكار الحقيقية هي بس الي بتعيش يبقي منطقي جدا انا الافكار الي تهمنا هي الي يطلعلها اجنجة
ولو الطائر مش عايز يطير يبقي هو فعلا ميستحقش لقب طائر
بأختصار الي مش عايز أفكارة تطير ويطلعلها اجنحة ميفكرش خالص احسن له .... ولينا كمان.

زيارتك جميلة اتمني تكرارها كتير اوي اوي

الريم يقول...

شادى مش بحب يوسف شاهين بحس انه كومبولكس شوية وانا حقيقى مش ناقصة وافلامه دمها تقيل بس ده ميمنعش ان ربنا يشفيه

أميرة جمال مصرية الديانة والجنسية يقول...

استاذ شادي

الف تحيه لأهتمامك بشاهين البقاء لله
افكاره لها اجنحه تحلق بنا في سماء الحريه الي الابد .

تحياتي
اميره جمال