الخميس، 19 مارس 2009

بدون اي مقدمات


قالت له بحبك فصمت قليلاً ونظر الي الارض ثم قال ... وانا مالي .

********


قال لها ساظل دائماً اعترف بجرائمي ... فنظرت الي الارض وبكت .

********


قالت وهي تنصرف قد تنتهي وقد لا تنتهي ولكن الاكيد ان هناك نهاية لكل هذا العبث .

********


اخبرها انها اخر جرائمة التي يفخر بها ... ولكنها لم تبتسم .

********


قالت له وبكل بساطة عفواً فانا الان احب غيرك .. والغريب انه شعر بان كل شيء علي ما يرام .

********
شيء غريب انه وبالرغم قوة لورد فولدمورت وتحالف كل قوي الشر فان هاري بوتر ينتصر دائماً .... سبحان الله .


هناك 31 تعليقًا:

عبد الحميد محمد يقول...

شيء غريب انه وبالرغم قوة لورد فولدمورت وتحالف كل قوي الشر فان هاري بوتر ينتصر دائماً .... سبحان الله

الامر بسيط حقا

لا ينتصر هاري بوتر لانه يمثل الخير و انما ينتصر لانه بطل الفيلم
صدقني لو كان اسم الفيلم " لورد فولدمورت " لانتصر حتى و إن كان شريرا

تحياتي على هذه الباقة الدافعة دفعا للتأمل

سوبيا يقول...

قالت له وبكل بساطة عفواً فانا الان احب غيرك .. والغريب انه شعر بان كل شيء علي ما يرام .


انا قلت من الاول الواد ده مبيحبهاش
مصدقتنيش
فعلا
يا مآمنة للرجال

بخصوص فولدمورت
انا هاكلمه
يتلحلح شوية
وينتصر الفيلم الجاي
شكله بأه وحش اويييييييييييييييي

دمت بخير كده وتمام

كراكيب يقول...

قالت له بحبك فصمت قليلاً ونظر الي الارض ثم قال ... وانا مالي .

ايه الواد الرخم ده
لا رخم رخم يعني

**
ايه يا عم شااااااااادي
انت فين يعني مش باين
مش بتيجي ترمي السلام حتى
تؤ... الله

وامبارح شوفت شادي زلط في الساقية وقالنا مستني شادي اصلان قولت اشطاط
روحت ماجيتش
ده كلام برده
تؤ...الله
الحفلة كانت جامدة جدااا بصراحة

miro el niro kwaniro

Eslam Eldosoky يقول...

طيب هو أنا لو ما قلتش حاجه
هتعتبرني حقودي ؟؟؟!! :(
ولا هتعذرني :)
لاني بصراحه مش لاقي كلام
أقوله يعني
في وسط الدربكه الي عايزة بوست كامل مني
عشان أعرف أرد
مشاهد سريعه ومركزة جداً
ترهقنا
بقدر أرهاقك في التفكير
أنزل شوية للجمهور يا عمونا
عشان نعرف نجاريك
تحياتي

r يقول...

بالنسبه لهارى بوتر
لانها قصه فطبيعى ان الخير ينتصر
ولكن لاننا فى الدنيا
فانتصار الخير ساعات بيتأخر اكتر من اللازم

وبالنسبه ل هو وهى
لان اى منهم رضى بالقليل والاقل من الاخر فطبيعى التانى هياخد الكتير والاكتر من الاخر
ولازم حد بيكون بردوا خسران
والتانى خسران اكتر

دمت طيب

شادي أصلان يقول...

عبد الحميد محمد

متفق معاك تماما ان لو كان الفيلم اسمه فولدمورت كان هو الي انتصر

زتحياتي انا كمان

:))

شادي أصلان يقول...

سوبيا

بقي يامأمنة للرجال بردو؟؟؟

خلي بالك انه فضل ماسك فيها لحد ما هي الي سابته

تحياتي ويارب تكوني انتي كمان تمام

شادي أصلان يقول...

كراكيب

رخم رخم يعني

:))

شادي أصلان يقول...

حقودي

لا مش هعتبرك حقودي

بس كنت اتمني انك تعمل بوست كامل علشان ترد


اما حكاية انزل شوية للجمهور

الكلام ده اكيد انت كاتبه لحد تاني

احنا غلابة ياعمنا

:)

شادي أصلان يقول...

بسنت

صدقيني هما الاتنين صعبانين عليا


وادعي لهاري بوتر
:)

سوبيا يقول...

بس كونه
"أحس ان كل شئ على مايرام"
يبأه زي ماقلتلها وقلتلك
مبيحبهاش
واضحه يعني
دا ماصدق ياناس

مش كفاية انه يفضل جزء من تفاصيل يومها وعمرها
بس جزء مش محطوط صح فالبازل بتاعها
راكب غلط
محطوط فمكان غير مكانه
فبتطلع الصوره فيها حاجه غلط
أو شبه لوح تلج
بينفع فالصيف بس
فضل هو يدوب يدوب لحد مامبقاش له أثر فحياتها
لكن انها تفضل جزء من تفاصيله
باختفاءها يحس ان كل شئ على مايرام
ده معناه ايه
مش عايزة اكرر قلمي
بس ده دليل انه جنتلمان عايزها تيجي منها
أشيك
بس صعبان عليا
هي دورت على حد يكمل بازل روحها
هو استنى تبعد
ولما بعدت حس ان كل حاجة على مايرام
ومأخدش باله ان فيه حته من البازل ناقصه
واحتمال مايعرفش يلاقيها ويركبها فصورته
و
هاتدخل ليه برد فالشتا القادم

والغريب أنه أحس ان كل شئ على مايرام
الأغرب
كل اللي عماله اكتبه ده
فالسطر ده بالذات

يبدو إني زودتها اوي
سلام عليكم
سامحني على موجة الرغي ده
دمت بخير كده وتمام

شادي أصلان يقول...

سوبيا

بالعكس انا مبسوط جداً من التواصل ده

وكمان المناقشة لا تفسد للود قضية مش كده بردو.؟؟؟

اولا هو ممكن يكون احس ان كل شيء علي ما يرام نتيجة لمحاولاته الكثيرة لاصلاح الموقف وتمسكه بيها وفشل في ده

ي حاجة

الحاجة التانية ممكن يكون محبهاش فعلا
بس الاكيد انها كمان محبتوش

لانها قالت انها بتحب حد تاني وهو لسه معاها مش دي بردو غريبة؟؟؟؟

وبعدين كل حاجة وليها ظروفها

بس بما انها هي قالت كده وهو حس ان كل شيء تمام .. يبقي ممكن تكون الاحداث المؤدية لكده انهم هما الاتنين محبوش بعض .. مش احتمال بردو؟؟؟

وفي الاخر اتمني انك تيجي كل شوية وتعمل دوشة كده وتزوديها لان دي حاجة بجد تفرحني

مستني دوشتك متتاخريش

سلام

:)))))))))

سوبيا يقول...

تعرف اني اقتنعت جدا برأيك
ورحتلها وناوية عالعودة للاجرام
لقيتها
ربنا ما يوريك لا انت ولا اللي بتحبهم
مالية الدنيا مناديل
واهيء اهيء
في ايه يا ستنا
ده انا اللي بسألها
مش ده اللي كنتي عايزاه
قالتلي
انها قالتله كده علشان
تحله من ارتباط مش حاسه انه بيجمعه بيها
وان برودته فاقت حد احتمالها
اه بتحبه بس لسه عندها بقايا من كبرياء الانثى
جوا المعادلة المتفككة دي
وعليه
قالتله انه بتحب حد تاني
علشان تحفظ بقايا كبرياءها الانثوي
اللي هو كان اغلب الظن السبب
في اثارته
ببرودته
ولا مبالاته
وكفاية
ان احس ان كل شيء على ما يرام
ده دليل كفاية على صدق احساسها

كانت متعلقة بأخر أمل
تشوف في عينيه
احساس بالندم ,بالافتقادبأي حاجة
لقت بروووووووووووووود
حتى محاولاته اللي قالك عليها
كانت محاولات في عقله بس
يمكن علشان يحسس نفسه انه حاول
وانه عمل اللي عليه
لكن يبقى انها محاولات مبتورة
ملهاش ايد تتمد وتتمسك بيها

بس
على كل حال
هي هاتاخد وقتها وتفوق من صدمة كل الايام اللي عدت وهي متعلقة بأمل واهي
انه يرجع يحبها
بس خييييييييييييير

هاتعدي

ولا ايه

أعتقد اني كده دخلت في ...........
مش عارفة اسمه ايه

بس حديث ممتع
في انتظار ردك

وبعتذر عن التأخير
بس ال dsl
لسه راجع من ثوااااااااااااني


دمت بخير كده وتماااااااااااااااااام

شادي أصلان يقول...

سوبيا

والله بردو الوضع كده مقنع

هي قالت انها بتحب حد تاني علشان تحافظ علي بقايا الانثي داخلها وتحفظ ما تبقي من كرامة.

يبقي المعادلة كده بتقول

انه هي حبته ولسه بتحبه

وهو عمره ما حبها

يعني هو مش تمام.


هي تمشي كده . بس تفتكري مش ممكن يكون هو حبها وهي السبب في البرود الي حصل بينهم؟؟؟؟

مش بقول انها السبب بس بقول تفتكري!!

اعتقد انه مكانش محتاج مبرر علشان يسيبها هو بس كان مستني النهاية الي كان عارف انها كده كده هتيجي .

ولو كان عايز يلاقي مبرر علشان يسيبهاانا هعذره بشدة لان في الحالة دي ممكن يكون كان بيحبها .

وهعذرها هي كمان لانها اكتشفت انه مش بيحبها. او هكذا اعتقدت


بس كده اتعقدت جامد جداً

البسؤال بقي هنا هما الاتنين ممكن يكونوا مظلومين وياتري تفتكري ان في حد تالت هو الي ظلمهم؟؟؟


يمكن ..

سوبيا يقول...

الموضوع فعلا تعقد بزيادة
خاصة
لو فيه في الموضوع طرف تالت ظالمهم
مش شرط يكون شخص
ممكن يكون ظرف او طبيعة

بس أقولك
امبارح افتراضيا
فالشغل الافتراضي اللي بيجمعني ببطلة القصة
دورت افتراضيا عليها
مش لقيتها جت اليوم ده
وأنا مروحة
افتراضيا برده
عديت عليها
لقيتها حالها متغير 90 درجة
مش فرحانة يعني
دول 90 مش 180
لكن لقيت تغيير
في دمعة محبوسة
وفيه شرووووووووووووووود
وفيه قليل من الندم والاحاسيس الصايصة

وفي ايديها جواب
منه
أبأه مش بنت لو الفضول مأكلنيش لحد معرف فيه ايه
بس افتراضيا انا اتأخرت عالبيت
فأخدت منها المختصر المفيد لحد ما بكرة
اقرا بالتفصيل

وكصديق شخصي مقرب
افتراضيا
للأخ بطل القصة
منتظراك تتولى الدفة
وتحكيلي كان فيه ايه الجواب
سلاااااااااااااااااام
بس ماتسيبش الفضول ياكلني لحد ما أخلص

شادي أصلان يقول...

سوبيا

الي هو قالهولي افتراضيا انه مكتبش في الجواب غير كلام قليل جدا وهذا نصه:

... اعتدنا علي فقدان الاشخاص الذين احببناهم ....فكيف يمكن لهذا ان يفيد في موقفنا هذا .. في رايك ؟؟؟


هو دا الي هو كتبه بس للاسف مرديش يقولي علي اسباب كتابته للكلام دا

سوبيا يقول...

انا حفاظا علي صداقتكم الافتراضية
هاقول ان ده اللي اتكتب
بس

وعليه
افتراضيا
هاسلمك خطاب منها
تسلمه ليه

لانه قافل موبايله

"واعتدت على التمسك بمن أحبهم
برغم كل ما كان وما قيل
وما لم يكن ومالم يقال
فإذا عدت وطرقت يوما بابك
هل عساك مجيب..؟!!"


ايييييييييييييييه؟؟؟

شادي أصلان يقول...

شوفي بأه ياسوبيا

اعتقد ان رده هيكون:


سبيها علي الله.



وخصوصا ان الي انا اعرفه عنه انها لو طرقت بابه تاني هتلاقي مجيب وجايز يكون مشبع لاحتياجها بشكل اكبر مما تتوقع.


:))

سوبيا يقول...

ونعم بالله



بس هو كده خلاص؟؟؟!!

مش هانكتب كومنات تاني
ولا ايه؟


:(

شادي أصلان يقول...

اعتقد ان الموضوع قد قتل بحثا

واحنا عملنا الي علينا وكده بقي هما ادري بسكتهم وطريقهم

واكيد هيكون في حاجات تاني كتر نعلق عليها براحتنا

:)))

سوبيا يقول...

مين قتله

واتقتل ازاي

يعني طعنا ولا حرقا
ولا مسموما


والحمد لله
اننا عملنا اللي علينا
وبكده
هما حرين بأه

وفي انتظار الحاجات التانية

سلااااااااااااام

سوبيا يقول...

وبعيدا عن القتل



المهم ان حضرتك بخير

دمت بخير كده دايما وتمام

(:

محمد عبد الرحمن شحاته يقول...

اخبرها انها اخر جرائمة التي يفخر بها ... ولكنها لم تبتسم .


********




قالت له وبكل بساطة عفواً فانا الان احب غيرك .. والغريب انه شعر بان كل شيء علي ما يرام .

دمت مبدعاً يا استاذ شادي موضوع في منتهى الروعه يتعرض له الكثير
ودي مدونتي التانيه و يسعدني زيارتك
http://fares-poet.blogspot.com/

ســـــــهــــــــــر يقول...

قالت له بحبك فصمت قليلاً ونظر الي الارض ثم قال ... وانا مالي .
********
لو قالها بصوت عالى فدعنى احترم صراحته و وقاحته معا
_________________________________

قال لها ساظل دائماً اعترف بجرائمي ... فنظرت الي الارض وبكت .
********
اى الجرائم يا ترى هى ؟؟
________________________________

قالت وهي تنصرف قد تنتهي وقد لا تنتهي ولكن الاكيد ان هناك نهاية لكل هذا العبث .
********
هذا هو اعتقادها فماذا عنه ؟؟
_________________________________


اخبرها انها اخر جرائمة التي يفخر بها ... ولكنها لم تبتسم .
********
ماذا يفسد عليك فرحك الان .. خوفك ؟ او لعله الادراك ؟؟
_________________________________

قالت له وبكل بساطة عفواً فانا الان احب غيرك .. والغريب انه شعر بان كل شيء علي ما يرام .
********
فى قصيده جميله للشاعر عادل سلامه بيقول :
انا اسفه جدا سو سورى
الله عليكى .. رقيقه و انتى بتهجرى
....
...
كان بيتهيالى لو يوم افترقنا هاطب فيها
ما حصلش ليه ؟
لما تيجى ف يوم تقولى سو سورى
ابتسم عادى كده ؟
لا بجد آى وورى
__________________________________


شيء غريب انه وبالرغم قوة لورد فولدمورت وتحالف كل قوي الشر فان هاري بوتر ينتصر دائماً .... سبحان الله .
****************
زى افلامنا العربى المكلله دوما بالنهايات السعيده .. ايه الغريب يعنى ... فيلم ... حبكه و عقده و تصاعد درامى و نهايه سعيده .... عقبال كل النهايات
_______________________________

عارف يا شادى انت عملت زى اللى بيعمل عمله و براءة الاطفال فى عينيه ( تشبيه مع الفارق طبعا )
ببساطه القيت بجمل تبدو كلمات قليله و لكنك القيت حجرا فى النهر و تاخدنا الدواير الناتجه عنه باه و زى ما تودى كل واحد
و يبقى المعنى فى بطن الكاتب
رائع كما انت دوما

شادي أصلان يقول...

محمد شحاته

شكرا بجد علي كلام الجميل

واكيد هزورك في المدونة الجديدة

تحياتي
:)))

شادي أصلان يقول...

سهر

بجد مش هرد بس هقول شكراً لييكي بجد

لانك وضعتي يدك علي الكثير مما كنت اعنيه

دمتي مبدعة وانسانة جميلة

شكراً بجد :))))


بجد وصلك حاجات كتير من الي كنت اقصدها واني الاقيكي شايفة المعاني دي شيء يخليني طاير من الفرحة .


تحياتي
:)))))))))))))))))))))

rtrcbh يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

sara rabie يقول...

حيرتنى

دفعات كثيرررررة فى جمل تبان بسيطه
"عادية"

بجد..حيرتنى..وفتحت لى ابواب اسئلة
"غلسه" "زنانه" بهرب منها علشان الفضايح النفساوية :)


مش اول زيارة ليا هنا

انا بتابع البلوج بتاعك من زمااان

واسمع عليك من الاصدقاء والحبايب من زمااان برده





مساءك جنة يا شادي :)

شادي أصلان يقول...

سارة صباحك عناب

:)

اسف علي غلاسة ورخامة الاسئلة بس هو ده حال الدنيا مش كده بردو؟؟؟


وطبعا شرف ليا انك تشرفيني بالزيارة كتير ومستني زيارتك القادمة

حلو مساءك جنة دي قوي علي فكرة

شكرااا

Amira Hassan يقول...

يا شادي عجبني البوست ده جداً
:)

و مبسوطة اني عثرت على مدونتك :)
هتشقلب فيها اليومين اللي جايين :)

شادي أصلان يقول...

يانهار ابيض

صباحك محوج يا اميرة

انا مستني شقلبتك

وانا اقتبست منك صباحك محوج

ابقي تعالي علشان اعزمك علي قهوة وشكيولاتة
:)))