الأحد، 15 فبراير 2009

انا مش كافر



وقف خلف الباب الزجاجي الذي يفصل الغرفة الواسعة التي يقع بها مكتبي أنا وزملائي عن قاعة الإستقبال ينتظر إنتهائنا من صلاة العصر فهو دائماً يأتي لينهي بعض الأعمال في أوقات غير مناسبة ، يرتدي قميصة الأصفر الواسع المعهود ونظارته القديمة التي تخفي الكثير من ملامح وجهه ، في كل مره أراه لا أشعر أنه غائب منذ فترة فهو مكرر دائماً في أي وقت وأي يوم لا أشعر بأي تغيير ولو طفيف في ملامح وجهه مهما حدث من مؤثرات رغم سنوات عمره التي قاربت علي الثلاثين .

إنتهينا من الصلاة فدفع الباب بغلظة ودخل إلي الغرفة يتجول بعينيه فيها يميناً ويساراً وكأنه يبحث عن أحد يستقبله حيث أنه كان دائماً يقابل بنوع من الجفاء الشديد من باقي العاملين في المكان مما دفعني إلي الحرص علي معاملته بشكل مختلف عنهم في محاولة مني لكي أنقذ ما تبقي من وضعه النفسي ، بعد إنتهائه من جولته البصرية إلتفت ناحيتي وتوجه إلي مكتبي مباشرة وهو يحاول - بصعوبة - رسم إبتسامه علي شفتيه ، إقترب من المكتب تماماً وقال سلامو عليكم رديت عليه السلام ولمحته بطرف عيني وهو يحاول أن ينظر إلي شاشة الكمبيوتر في محاولة منه للتلصص علي ما أفعله ، وبإعتبار أن ما أفعلة ليس سراً قوميا ولا شيئاً مخلاً بالأداب فسمحت له بإختلاس نظرة دون أن يدري أنني أعلم بذلك .

وقتها كنت أتصفح إحدي الصفحات التي تحتوي علي بعض الصور للمناضل الكبير " تشي جيفارا " فإذا به يقول بهدوء الدنيا كلها ودون أي مقدمات أنت بقيت كافر خلاص .. صعقت من العبارة ولم أربط بينها وبين ما أفعله بالكمبيوتر ومنعتني دهشتي من الكلام .. وبعد فترة قليلة سألته ليه بس بتقول علي كدا ؟ فجائت الإجابة تحث علي الدهشة أكثر .. أنت مش بتتفرج علي صور جيفارا تبقي كافر ، لم أستطع أن أصارحة بغبائة وأقضي علي أخر أمل له في وجود معاملة حسنة في هذا المكان فجاوبته بالحسني قائلاً : يا أخي دا أنت لسه شايفني وأنا بصلي العصر مع الناس إزاي تقول علي واحد شايفه بيصلي كافر ؟ فضربني بالقاضية قائلا : هو حد عارف أنت بتقول إية وأنت بتصلي مش يمكن تكون بتقول حاجة تانية غير القرأن بتاع ربنا .

هنا لم أستطيع أن أسيطر علي أعصابي وإنفعلت صارخاً في وجهه لما أنت ما تعرفش أنا بقول إيه في صلاتي يبقي بتكفرني بتاع إيه حراااام عليك ، صعق من إنفعالي وحاول الإعتذار بحجج واهية وأنا أرفض كل ذلك فنظر في الأرض ورحل وبمجرد خروجة كنت قد أخذت قرار أن ما حدث يجب ألا يمر مرور الكرام .. وثاني أيام هذه الواقعة كانت هناك ورقة كبيرة معلقة علي الحائط فوق رأسي مكتوب عليها .. " إرحموا من في الأرض يرحمكم من في السماء " .

هناك 27 تعليقًا:

!!! عارفة ... مش عارف ليه يقول...

الحمد لله الذي هدانا لهذا

وما كنا لنهتدي

لولا أن هدانا الله

أدعو له بالهداية

ولنا جميعاً

دعاء مواجهات يقول...

انا عارفه انوا كيد حاجة زى دى مش هتأثر فيك لاننا اكيد بنقابل نماذج كتير تمتلك كمية لانهائية من الغباء والتخلف الفكرى

وانا تحليلى للأمر انو مصدقش ان ممكن حد ف المكان دة يعامله كويس وعمل كدة علشان يشوف الوش التانى اللى هو مش قادر يتعامل بغيرة

اوعى تكون مضايق نفسك..

Ahmed Othman يقول...

اتعجب من انفعالك يا عزيزي
فالأولى
أن تقابل فعله بسلسلة من الضحكات

شر البلية ما يضحك
و لا أظنها
ستكون أسوء من ذلك


روق بالك

dr.Roufy يقول...

هههههههههههههه
اوافق د. أحمد عثمان الرأي
هذه النوعية لا تثير الا الضحك فالشفقة
وان كنت اقدر تماما..انفعالك وربما ذهولك

ما أكثرهم هذه الفئة من الممبتورين فكريا ان جاز التعبير

هون عليك ..

ياما هاتشووووف

Ola يقول...

هى كده فى ناس غريبة بتطلع فى اوقات غريبة تقول حاجة غريبة تقوم انت منفعل بشكل غريب :)

غير معرف يقول...

أحلى تعليق , تعليق علا , صح جدا
ناس غريبة فى أوقات غريبة تقول حاجات غريبة ...بس الغريبة انفعالك
أسوء شئ فى اعتقادى أن نشغل أنفسنا بالحكم على بعض
ليتنا نتقبل بعضنا بعيوبنا وأخطائنا ستكون الحياة أسهل
عندما تراه ثانية ابتسم لتظل الأفضل

soha zaky يقول...

يوووه يووووه
دا احنا بنقابل كل يوم من دا يا عزيزى
وبعدين مش عيب عليك يا راجل انك تزعل منه دا راجل غلبان وعلى قد حاله ، كان حقتك ديله حاجة فى ايده وتمشيه ، لان دا فكره وهو حر فيه ، نزعل ليه بقى ، المفروض محدش يزعل لما يلاقى حد بينتقده وهو مايعرفش عنه اى حاجة ومقرالوش اى حاجة لا وكمان شايفه بيعمل الحاجة اللى عكس انتقاده
سبحان الله بجد حاجة تكفر
نهارك فل يا كاتب يا جميل

سامية فريد يقول...

أنا بصراحةبكون في كامل إستفزازي من االبني ادمين الى بتكفر بعضها
اعتقادى وايماني ان ربنا فقط هو من يعلم مافي نفوسنا وقلوبنا وهو فقط من سيحاسبنا
شادي اول مرة ازور مدونتك بالصدفة ولت تكون الاخيرة بإذن الله
تحياتي

عاشقة القمر يقول...

كان المفروض تحط جنبها كمان صورة لجيفارا ..
:)
راجل مستفز صحيح ويحرق الدم .. اعتقد اني لو مكانك كنت ضربته .. اصل ردوده وهدوءه مستفز جدا زي ما يكون بيقول حاجات عادية يعني .. ده عالم عجيبة يا راجل .. بس انت ماتضايقش نفسك ..

ســـــــهــــــــــر يقول...

القصه واقعيه كانت او لا
الفكره واضحه و هى رمى الغير بالكفر ببساطة خروج اللفظه بدون الاعتبار لثقلها

جميل يا شادى بساطة و عمق عرضك

wafaa يقول...

كنت متوقعة منك هدوء وصمت ونظرات مريبة من غير اى كلام، تخليه يشك فى نفسه طول عمره ويندم 100 مرة ويفكر 1000 مرة فى الكلمة اللى يقولها
وكده تكون انقذت اى حد ممكن يقابله ف حياته وانقذته من نفسه

شادي أصلان يقول...

عارفة مش عارف ليه
يسمع منك ربنا اميييييين

شادي أصلان يقول...

دعاء مواجهات
خالص مش متأثر بكلامه ويمكن يكون عايز يشوف الوش التاني بس هو لما عمل كده مشافش وش تاني انا لو وريته الوش التاني ممكن يعمل في نفسه حاجة :)))

شادي أصلان يقول...

وجه جديد د احمد عثمان

بالي رايق والله

ولا تتعجب احيانا بنخرج عن الهدوء المعتاد وبتكون التصرفات مش طبيعية كالعادة

شادي أصلان يقول...

dr roufy

هو ذهول اكثر منه انفعال وصحيح ما اكثر هؤلاء المبتورين فكريا واعتقد انا التعبير يجوززززز

شادي أصلان يقول...

ola

غريبة مش كدا :!!!!؟؟

شادي أصلان يقول...

غير معروف
لما هشوفه المرة الجاية هعمل فيه حاجات اشد وطأة من اللي حصل

بس كان ممكن تقول اسمك

مش كدا بردو :)))

شادي أصلان يقول...

الجميلة سهي زكي

نهارك قشطة ياعثل

انا للاسف ساعتها مكانش معايا فكة والله والا كنت اديته ربع جنيه مخروم
:))

ربنا يخليكي وتنوري مدونتي كده دايما

شادي أصلان يقول...

سامية فريد
مبسوط اوي انها اول مرة وهكون مبسوط اكتر لما تتكرر وشيء يشرفني اننا نتفق في بعض الافكار
:))

شادي أصلان يقول...

عاشقة القمر
تصدقي فكرة والله

بس هدي اعصابك شوية
:))

شادي أصلان يقول...

سهر

الجميل اكتر هو مرورك واعجابك بالفكرة

وحلو انك قلتي واقعية او لا

لانها مش بالضرورة فعلا تكون واقعية اوي

مش كدا ولا ايه؟؟؟

:))

شادي أصلان يقول...
أزال المؤلف هذا التعليق.
شادي أصلان يقول...

وفاء

تصدقي فكرة بردو ممكن استعين بيها المرة الجاية

بس ياتري ممكن تتنازلي عنها؟؟؟

اقصد يعني اني ممكن استخدم الحكاية بتاعة النظرات دي؟؟

نورتيني بمرورك

saadebaid يقول...

ده اكيد محمود سيف بس النظارة والقميص الاصفر دول منين
مودتي

r يقول...

احيانا فى النماذج اللى الواحد بيقابلها ومختلفه عن العموم بيتهيألى ان فى اشخاص بتسعد انها مختلفه الاختلاف
الصادم او اللى يكون محور هجوم من الاخرين بجانب افتقاد الاشخاص دى لاى مبادئ
من تسامح او اداب من تعاليم ينادوا بها والمفروض هم رمز لها
للاسف النماذج دى موجوده وبقوه بس السؤال ازاى نعيد مسح الدماغ اللى حصلهم على خريطتهم المخيه تانى لوضعها الطبيعى
فى وقت نحن لازلنا نبحث عن مفهوم تسامح بيننا وبين نفسنا
دمت طيب

غير معرف يقول...

معاك طبعا فى الاندهاش والاستغراب من اللى اتقال ، بس ده اسلوب وفكر شريحة منتشرة دلوقتى فى مجتماعنا من كتر سهام السموم اللى بقى بترشق فى بدنه فسممت افكار وعقول البعض
.................
كنت اهدى وبص للموضوع من زوية اخرى
لان اسلوبه وكلمته ان دلت على شىء دلت على ثلاث:
1جهل دينى واهتمام بقشوره ، فالقاعده الشرعيه"من كفر مؤمن فقد كفر"
2جهل ثقافى وسياسى بحت
3عدم القدرة على التواصل الاجتماعى السليم مع الاخرين (وده يصعب عليك وربنا)
وخللى حرقه الدم دى لشخص ينفع الجدال والنقاش معاه
بس عجبتنى اوووى فكرته بتاعت اللوحة تسلم دماغك بجد

Eslam Eldosoky يقول...

ههههههههههههه
تصدق قريت التوبيك بقالي شهر
ونسيت أعلق
معلش بقي الدنيا لحست عقلنا ياعم شادي
الحاجه الوحيدة المسيطرة عليا دلوقتي
أني أحل المعدلة الصعبة جداً
شاب مصري 23 سنه
عايز يبقي مليونير
من غير ما يعمل أي حاجه غير مشروعه
متهيئلي
الاتهام بالجنون هيبقي حاجه كويسة
ولا انت مش معايا