الاثنين، 22 ديسمبر، 2008

أن تكون مريضاً



بين الحين والأخر يسيطر علينا شعور غريب وغالباً ما يكون غامض وتصنيفه ليس سهل ، فقد يطلق عليه البعض غربة أو أسماء أخري مشابهه ، ولكنه في الحقيقة يكون شيء مبهم ، إحساس بعدم التأقلم مع عالمنا وأن وجودنا في هذا العالم غير طبيعي وغير منطقي وأن الوضع الصحيح هو وجودنا في دنيا أخري بها بشر مختلفين كل الأختلاف عن سكان هذا العالم الغريب .
ويظل هذا الشعور يتصاعد إلي أن يصل إلي مرحلة يكون فيها الواحد منا كالمصاب بإنفصام الشخصية فيكون له وجهان مختلفان أحدهما يتعامل به مع العالم الذي يعيش فيه ويراه مختلف عنه تماماً والأخر لنفسه ولذاته الحقيقية .. ذلك الذي يرتديه عندما ينفرد بأفكاره في صومعته الخاصة التي ستكون في تلك الحالة ملاذه الأخير .
ستجد أن هناك عوامل كثيرة تساعد علي زيادة هذا الشعور ، فالعالم الذي نعيش فيه مليء بالتناقضات والوجوه المزيفة التي يحملها أصحابها في حقائبهم ويبدلوها بإحترافية ودهاء حسب ترتيب المواقف ، وتلك قدرة لا يستهان بها ، فأحياناً تتمني لو أنك لم تتعلم أن الوجه الطبيعي للأنسان يصلح - دائما ً - للعب جميع المراحل في فيلم حياته بدون الحاجة لأي عمليات تجميل .
وهنا تظهر صعوبة المشكلة وتعقيدها فتصرفات الأشخاص المتناقضة بشدة تجعلنا نرفضهم ونرفض أفكارهم والغريب أن هؤلاء الأشخاص ينظرون إلينا بنفس النظرة ويحاولون السيطرة علي باقي المساحات المضيئة في عالم أصبح الزيف والنفاق هو السمة السائدة فيه ، وبما أننا نعيش وسط كل هذا تجد الحفاظ علي الوجه الحقيقي الخاص بك شيء في منتهي الصعوبة فتكون النتيجة هي محاولة صنع وجه أخر لكي يقوم بدور الدوبلير لكي تستطيع التعامل مع مفردات العالم المحيط .ولكنك ستتعلم مع الوقت أن أصحاب الوجوه الحقيقية موجودين قد يكونوا قليلين ولكنك لا تستطيع أن تنفي وجودهم ، وقد تصادف بعضهم هنا أو هناك في رحلة الحياة وسوف تشعر بوجودهم حتي وإن كانوا مصابين بنفس مرضك ويرتدون وجههم الصناعي لمواجهة العالم وأمام أحدهم سوف تكون في غاية الراحة وأنت تخلع عن نفسك القناع البديل وتتخلص منه وستجده هو الأخر يخلع قناعه فينظر كل منكم للأخر وترتسم علي وجوهكم إبتسامة هادئة وواثقة وتتشابك أيديكم .. وتبدأون السير في درب الحياة ، وبعد إنجاز مسافة من الطريق توقف وأنظر إلي عالمك مرة أخري وأعلم أن من تجدهم بجوارك وكل منهم يمسك بيديه قناعه البديل هم كل ما تبقي من أهل العالم السابق وأنهم يبحثون عنك مثلما تبحث عنهم .. وعندها فقط سوف تدرك أنك خلقت العالم الذي تريده وتستحقه .



ضربة شمس ( جريدة الدستور 3/12/2008 )

هناك 20 تعليقًا:

كراكيب يقول...
أزال المؤلف هذا التعليق.
كراكيب يقول...

بداية البوست هايلة جدا
كل الناس مدايقة من العالم اللي عايشة فيه وشايفة انها المفروض تعيش في عالم تاني ومع ناس تانية غير اللي هي عايشة معاهم.. كل الناس بتفكر في كدة كإن المفروض يتخلق لكل بني ادم عالم على مقاسه باشخاص على مزاجه..
ومحدش فكر ان هو اللي بإيده ممكن يختار لو مش العالم كله على الاقل فمنطقة من العالم حتة كدة تبق بتاعته بشوية اشخاص فل وتمام التمام عل مزاجه وداخلين دماغه ويبقى هو ده العالم اللي بيحلم بيه لقاه لما هو اللي حاول يعمله..

وبعدين كلامك عن الوشوش اللي بألف شكل ولون وتعبيرات وكلام علشان الواحد يعرف يعيش ويتعايش..
وبعدين تيجي نهاية بوستك العبقرية
يا شادي يا مختلف
بيييييس...

miro el niro kwaniro
والف حمد لله على السلامة

مــها العباسى يقول...

صديقى الجميل الشادى
شكرا جدا فى وقتها بجد
انا من فترة المعنى دة مش راضى يتجمع فى كلمات
يمكن ساعات فى حاجات معينه بتحسها ومتقدرش تجمعها
لازم حد تانى يجمعها وانت تقول الله
الله عليك ياشادى

Abozikas يقول...

ايها الحقيقي
حتى تحترق النجوم


بس

غير معرف يقول...

هقول حلو وجميل زى كل الناس مابتقول
بس لى سؤال ليه حذفت التعليق ؟
انت مش بتقبل المعارضة؟
فين بقى الديموقراطية وحق النقد وتقبل الرأى الآخر؟
مدام قبلت نشر كلامك يبقى تقبل رأى الآخر فيه
والا هى شعارات؟
والا انت فاتح المدونة دى للإطراء فقط؟

ANA يقول...
أزال المؤلف هذا التعليق.
YoYoZ يقول...
أزال المؤلف هذا التعليق.
YoYoZ يقول...

الاحساس ده فعلا عندى وعند ناس كتير شبهنا ..وبيتعب أوى لما تكون حابب انك تعيش فى سلام ..ومتلاقيش غير حرب دايما بين اللى الناس اللى حوالبك عيزاه وبين اللى انت عايزه..صراع نفسى دايما للتأقلم معاهم...ولو مسمعتش اى كلام منهم وانعزلت وعشت بشخصيتك الحقيقيه ..يتقال عليك مجنون وغريب الأطوار وغير طبيعى و و و ...
ولو عشت على هواهم..يبقى علييه العووض...
وربنا يصبرنا...


بالمناسبة صورة البلوج جميله أوى..تحياتى لذوقك الراقى

علاء عبد الحميد يقول...

صديقى شادى

عندك إحساس مختلف
بس أنا مش عارف أأفشه :)

عين ضيقة يقول...

بعمل دراسة عن الاغتراب فى الأدب فكويس انى اقرالك وانت بتتكلم عن الاغتراب عموما فى الحياة

تحياتى

شادي أصلان يقول...

كراكيب
مبسوط أوي إن كلامي يعجبك

شادي أصلان يقول...

مها العباسي
متفق معاكي أوي إن في حاجات كتير بتكون في دماغنا وبنحتاج حد هو الي يقولها بالنيابة عنا

ولما دا يحصل مع حد جميل زيك يبقي دا شرف ليا :)

شادي أصلان يقول...

aboziks
وحتي ....

أهو انت الي حقيقي وستين حقيقي كمان

شادي أصلان يقول...

غير معروف

أولا شكرا

نيجي بقي للأسئلة
أولا: انا محذفتش حاجة أكيد إلي كتب هو إلي حذف أنا عمري ما عملتها غير مرة واحدة وكان في ظروف هي السبب

ثانياً: أنا طبعا بقبل المعاضة ودا شيء بيسعدني أكتر من الإطراء

ثالثاً: موجودة والله

رايعاً: هش مش شعارات بدليل إني برد عليك أهو

خامساً: لا طبعا

دلوقتي ممكن أنا بقي أسأل سؤالين

ياعم مجهول الأول تسأل وبعدين تعرف إني ممسحتش حاجة قبل ما تعمل الشوية إلي ملهمش أي لازمة دول؟؟؟

ثانياً هو أنت خايف من حد هنا علشان كدا مستخبي وعامل نفسك مش موجود ولا إيه الحكاية بالظبط؟؟

تصدق حلو أوي ان الواحد يلاقي حاجة يرغي عليها شوية كدا

متبقاش تغيب علينا والنبي

إشطاط

شادي أصلان يقول...

YOYOZ

جميلأول إن الواحد يحس انه مش لوحده وبالنسبة للصورة إتفضل

شادي أصلان يقول...

علاء عبد الحميد

صديقي الجميل

طبعاً من حظي الوحش انك متعرفش تقفشه بس عموما حاول تاني يمكن المرة الجاية يكون حظي أحلي

وألف مبروك يامعلم علي CALL ME

شادي أصلان يقول...

عين ضيقة

طبعاً كويس وشرف ليا كمان إنك تنوريني في أي وقت

تحياتي أنا كمان :)

غير معرف يقول...

عبرنى

شادي أصلان يقول...

شفت بقي ياغير معروف أنا عبرتك إزاي؟


بس ياريت إنت كمان تجاوب

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي