الأربعاء، 13 أغسطس 2008

فاصل مع لوحة لبيكاسو


أن تفقد الثقة في شخص ما شيء طبيعي في بعض الأحيان .... ولكن ماذا لو فقدت الثقة في كل شيء ؟!

بمعني أصح فقدان الثقة في الثقة وهذا شيء غير طبيعي بالمرة ، ولكن من قال أن كل ما يحدث وكل ما يحيط بنا طبيعي ، عندما تنهار كل الثوابت وتنهار معها كل الأحلام تتكون إشكالية كبيرة .

اتأمل أحلامي كثيراً .... أراها تنهار .. أفرد أجنحتي وأحاول أن أحلق لكي أكتشف أحلام جديدة وبمجرد رؤيتها أحاول أن اقتنص أي جزء منها ولو بسيط ولكن تنقض علي قوي خفية لا أعلم هل هي تراقبني أم انها ملتصقه بي ... هذه القوي الخفية من شأنها اسقاطي ارضا .. قد تنجح احيانا وتلك ليست مشكلة لانني أطير من جديد وأحلق مرة أخري ولكن المشكلة الحقيقة انني اخشي أن تنجح في انتزاع اجنحتي .

ومع ذلك أحاول ولن أكف عن المحاولة .... حتي مع فقدان الثقة .


والأن دعوني أفرد أجنحتي لكي أحلق



هناك 34 تعليقًا:

Omnia يقول...

اجمل ما في الامر هو عدم فقد ثقتنا اننا نستطيع الطيران مرة اخرى..
و اعلم ان تلك القوى الخفية التى تجعلك تسقط..

هي كلمة واحدة .."الواقع"
تحياتي لأسلوبك الأقرب للنفس :)

حمامة يقول...

حمداً لله أنك مازالت لديك الثقة
فى قدرتك على التحليق
فتمسك بها جيداً
فتلك أجنحتك :)

r يقول...

افرد جناحك وتحرر من اى قيود ايها الطائر
ولا تعتقد انك مكبل باحلام لا تعرف منتهاها
تعرف دايما بقول الحلم مهما كان لازم نفوق منه وينتهى
فقدان الثقه دى مرحله على فكره مش مجرد شعور
بمر بيها غالبا بعد كل ازمه فى حياتى
بس المهم انك ما تفقد
الثقه بنفسك من انك ممكن تحقق حاجه
فقدان الثقه بكل ما حوللك= دا غير صحيحج دور جواك هتلاقى ثوابت موجوده بس انت بس مش شايفها يمكن علشان مركونه هناك بعيد اوى عن افكارك او اهواءك زى ما بيقولوا
اعاده الثقه سهله بدايتها ان احط رجلى على ارض ثابته يعنى مش معقثول افضل طاير فوق كدا وادور على الثقه فى السما لا الثقه على الارض يعنى مهما طرت وفردت جناحك لازم بردوا تنزل وبمزاجك وتثبت
شادى
سلمت دايما ايها الفارد جناحاته

هانى المصرى يقول...

طلب صغير يا شادى .. ممكن تدخل عندى المدونه وتقولى رأيك بحياديه فى اللى بكتبه
منتظر ردك ..
وبالنسبه للبوست ده فقدان الثقه فى كل شى بقى سمة الايام اللى بنعشها دى ياشادى بس لسه فيه امل لسه الايام بخير وابقى قولى وانت طاير مصر عامله ازاى من فوق
تحياتى .. صحيح انت قريب الاستاذ ابراهيم اصلان .

كراكيب نـهـى مـحمود يقول...

لا اصدق أن أحدا منا قادرا على الفقدان المطلق للمعاني الجميله ولليقين والثقة
لا اصدق ان اليأس قد يهزمنا نحن الحالمون ..
الثقة تنبع من داخلنا لتغرق ما حولنا بالأمل
لك خالص احترامي

شادى زلط يقول...

طير

دربك ع باب الله

كراكيب يقول...

اولا: ردا على سؤال هاني علوان
اووووسكت يا هاني ده يبقى ابن الاستاذ ابراهيم اصلان حتة واحدة مش قريبه كدة وخلاص
;)

ثانيا بقى: بحب انا التفاؤل اوي
بحبه احبه يعني

اي نعم انا جناحاتي خلاص قربت تتقطع لانها دابت من كتر استخدامها بعد كل وقعة بقعها
بس اديني بدور على محل قطع غيار
اي نعم اكيد هيبقى غالي شويتين
بس معلش مفيش حاجة بتيجي بالساهل

miro el niro kwaniro

صحيح يا شادي,,, بجد يعني فعلا فعلا قلمك مختلف

رحاب إبراهيم يقول...

والله يا شادي ذكرتني بجملة كنت قد كتبتها من زمن , لكنها مازالت تبدو صالحة للاستخدام :
وطني يتبدل في كل خطوة ليصبح المساحة التي تشغلها حذائي ..
نعم..كثير من الأمور خارجة عن سيطرتنا وتحكمنا .. لكن مازالت أرواحنا حرة ,ومازلنا نحاول ..
تمنياتي بدوام الرفرفة

Abu Shahin يقول...

بيتهيالى روحك المكافحة والمعاندة دى يا شادى وانك لسه بتعافر وعايز تطير وتحلق هى اللى بتنتج لنا مقالاتك الجميلة واللى ظهرت تجلياتها ف اخر مقال ليك يوم الاربع اللى فات ف ضربة شمس .. مالقيتوش عشان اعلق عليه لانه عجبنى جدا وفعلا شباك النور اللى ف اخر كل تجربة مش اى حد يوصله

شكرا يا شادى

عيش حلاوى

شادي أصلان يقول...

omnia
صحيح متفق معاكي ومبسوط انك قريتي كلامي بالشكل دا
الواقع .... هل تلك القوي الخفية
صح
وشكرا

تحياتي ومودتي

شادي أصلان يقول...

حمامة
ان شاء الله همسك فيها بايدي وسناني

شادي أصلان يقول...

بسنت
كلامك جميل
بس تحقيقة صعب واتمني اني اكون عندي نفس الامكانيات الي انتي ذكرتيها دي

شادي أصلان يقول...

هدخل واشوفها يامعلم اكيد ان شاء الله

مصر من فوق ... كلمة مصر دلوقتي من وجهة نظري ليها معاني كتير اوي تختلف من واحد للتاني كل واحد بيشوفها بعنية حاجة مختلفة

اما بالنسبة للسؤال الاخير ... زي ما قالت كراكيب انا بس ابقي ابنه مش قريبة يعني .... مع كامل الفخر والشرف طبعا اني ابنه .

شادي أصلان يقول...

استاذة نهي محمود
كل الاحترام لكلامك لان الكلام دا هو الحبل الاخير الي الواحد مننا ماسك فيه وبتمني اننا منفلتش منه .

شادي أصلان يقول...

ابو زيكس
شادي زلط حبيب البي :)

الطيران دا اخرته ايه؟
هنجيب البشاير ولا هنمشي في ارض الله .

شادي أصلان يقول...

كراكيب
اولا شكرا انك رديتي علي هاني علون .

حلو اوي انك تحبي التفائل التفائل التفائل :) علي فكرة هو كمان بيحبك وبيسأل عليكي .
بس ابقي قوليلي هتجيبي منين الاجنحة الجديدة علشان عايز اتنين اسبور .

شادي أصلان يقول...

د / رحاب ابراهيم

مهي المشكلة ان الواحد دايما بيحاول يخلع حذائه علشان كدا بيتعب صح ولا ايه ؟؟؟!!!

شادي أصلان يقول...

ابو شاهين

بجد كلامك مش عارف ارد عليه واقول ايه
بس بجد شكرا ليك ودمت صديق جميل
تحياتي

هانى المصرى يقول...

متعرفش يا شادى انا بحب والدك قد ايه بجد راجل محترم جدا اخر حاجه قريتهاله كانت خلوة الغلبان قصص رائعه اصل انا بحب جدا ادب السيره الذاتيه تحس ان انت بتاخد من الناس دى عصارة تجاربهم فى الحياه فى شكل كتاب .. بس امانه بقى توصّل سلامى لعم ابراهيم قوله واحد من معجبينك اسمه هانى علوان بيسلم عليك .

عاشقة القمر يقول...

شاااااادي .. يا صباح التفاؤل اللي مالي البوست .. كلمات جامدة اوي ومؤثرة جدا .. وبالنسبة لانعدام الثقة فعايزة اقولك انك جيت معايا في وقت كده بدأت أخاف منها فيه .. حاسه انها بتخبط كده او بتتكتك بصوابعها على شباك حياتي .. رايحه جايه كده بترخم عليا .. المشكلة انك اما بتتخبط على دماغك من شخص ما وبتفقد الثقة فيه ده بيخليك مقلق من باقي الناس وده اللي بحكي فيه .. يلا ربنا يستر
عايزة اقولك كمان انك الاسبوع ده كاتب مقال حالة جامده مووت .. بجد يا شادي دماغك جامده وافكارها تحفه .. تسلم يا جميل ..

أسماء علي يقول...

دوما منحنيات الحياة تأخذنا لننال صدمات متوالية نفقد في بعض الأحيان الثقة حتى في الأشياء ..

فاصل للتحليق

و نعود بإختلاف لنتعامل من جديد مع رؤية مختلفة ..

...

بوست على الرم من انه صغنتوت الا انه بجد مختلف ..

و كل التحايا للوحة بيكاسو المُلهمة ..

دمت بألف خير يا شادي ..

بنوتة مصرية يقول...

دي لوحة من أهم مراحل بيكاسو
شكرا لذوقك ولنصك على النص

هويدا صالح / عشق البنات يقول...

هذه مفاجأة بحق
أنت ابن عمي إبراهيم ؟
يا الله !
شادي أنا أتباعك بمحبة ولكنني لم أكن أعرف أنك ابن عمي إبراهيم ....
نصك على لوحة بيكاسو شديد الرهافة ...
نص مواز ..
كلنا نتمنى أن نشعر بالخفة والطيران
أن نتخلص من كل ما يشدنا للأرض
أن نصير كائنات لا تحتمل خفتها
دمت جميلا يا شادي ....

Alaa Abd El Hamid يقول...

لا تكف عن المحاوله يا شادى
حتى لو انتزعوا اجنحتك

شادي أصلان يقول...

هاني علوان
سلامك هيوصل ان شاء الله

شادي أصلان يقول...

عاشقة القمر
لما عدم الثقة يخبط علي شباك حياتنا هي دي المشكلة علشان كدا بنحاول نكطير علشان عدم الثقة متعرفش تخبط عيل اي حاجة :)

شادي أصلان يقول...

د / أسماء علي
لوحة بيكاسو فعلا ملهمة
وكمان صح هو فاصل للتحليق

علي غرار الفواصل المهمة
ميرسي ياباشا ودمتي مبدعة ومتألقة

شادي أصلان يقول...

بنوتة مصرية
ميرسي لذوقك وشكرا لمرورك
مبسوط بجد ان البوست عجبك

شادي أصلان يقول...

هويدا صالح

ميرسي علي ذوقك
وميرسي علي متابعتك ليا

وبجد مش عارف اقولك ايه

فعلا متفق معاكي تماما اننا نسعي بكل ما اوتينا من قوه لكي نكسر الحديد الذي يكبل اقدامنا ونطير بس تفتكري هنقدر ؟!

شادي أصلان يقول...

علاء عبد الحميد

ازيك يافنان

انا بحاول اعمل زي مانت بتقول
بس بيتهيالي ان الواحد لو مسمحش لحد بانه ياخد اجنحتة او ينزعها يكون لاوضع اسهل

بس بردو الروح القتالية موجودة ... ودي حاجة جميلة

غير معرف يقول...

يعنى وبعدين معاك يا عم شادى
كلمرة اقرالكمن زمان هنا ولاف الدستور اقول برافو وامشى من غيرمعلق
المرادى بقى جايه ف بوست صغنون يمكن م الناحية الادبية اقل من اخواته يمكن انت نفسك كتبته وانت فى حاله م التوحد مع ذاتك ومكنتش قاصد تكتب للناس ..ويمكن انت حتى مش مستنى رد..لكن انا حاسه انه بيشدنى ويقولى استنى واكتبى "براااااافوووووو"..يمكن عشان احنا بنموووت فاللى بيوجعنا وبنحب نحس اننا مش لوحدنا لا فوق ف سابع سما لما ولا تحت ف سابع ارض
بص يا ريس م الآخرانا معاك بس لوحدفيوم سرق جناحاتك اعرف انه انا!!!

ميادة

شادي أصلان يقول...

ميادة
سعيد أوي بكلامك وبزيارتك

وياستي لو عايزة جناح عندي واحد استبن ممكن ابقي اسلفهولك متقلقيش

:)
:)
:)

كلام على بلاطة يقول...

كل عام وانت بخير

سعاد عبد الرسول يقول...

لا أعلم هل هي تراقبني أم انها ملتصقه بي ???